खेळाडूंना मिळणार रोख पुरस्कार महाराष्ट्र सरकारच्या निर्णयाला मिळाला मुहूर्त

केरळ राष्ट्रीय स्पर्धेत पदकविजेते महाराष्ट्राचे खेळाडू व त्यांच्या मार्गदर्शकांना अखेर दोन वर्षांनंतर न्याय मिळाला. याबाबत ‘लोकमत’ने शनिवारी वृत्त दिल्यानंतर सरकारने यासंबंधीचा शासन निर्णय काढला असून, त्यामुळे सुवर्ण, रौप्य व कांस्य पदक विजेत्यांना रोख रकमेची पारितोषिके मिळण्याचा मार्ग मोकळा झाला आहे.

- शिवाजी गोरेपुणे : केरळ राष्ट्रीय स्पर्धेत पदकविजेते महाराष्ट्राचे खेळाडू व त्यांच्या मार्गदर्शकांना अखेर दोन वर्षांनंतर न्याय मिळाला. याबाबत ‘लोकमत’ने शनिवारी वृत्त दिल्यानंतर सरकारने यासंबंधीचा शासन निर्णय काढला असून, त्यामुळे सुवर्ण, रौप्य व कांस्य पदक विजेत्यांना रोख रकमेची पारितोषिके मिळण्याचा मार्ग मोकळा झाला आहे.खेळाडूंना पुरस्कार देण्यात राज्य शासन राजकारण करीत असल्याची टीका क्रीडाविश्वातून झाली होती. त्यामुळे सोमवारी तातडीने याबाबतचा शासकीय अध्यादेश काढण्यात आला.- राष्ट्रीय क्रीडा स्पर्धेतील पदक विजेत्यांनाही पुरस्कार दिले जातील, असे या आदेशात म्हटले आहे. त्यासाठी वेगळा आदेशाची गरज नसल्याने खेळाडूंना पुरस्कारासाठी शासनाकडे हात पसरावे लागणार नाहीत.- राष्ट्रीय स्पर्धेनंतर त्याची माहिती संबंधित राज्य संघटनेने पदकप्राप्तीच्या प्रमाणपत्रासह क्रीडा व युवक सेवा संचालनालयाकडे १५ दिवसांत पाठवावी.- ०9 कोटी रुपयांची रोख रक्कम राज्य सरकार खेळाडूंना देणार आहेकाय असतील बक्षिसेसुवर्णपदक विजेत्याला रोख ५ लाख व त्याच्या मार्गदर्शकाला ५० हजाररौप्यपदक विजेत्याला ३ लाख व त्यांच्या मार्गदर्शकाला ३० हजारकांस्यपदक विजेत्याला १.५ लाख व त्याच्या मार्गदर्शकाला २० हजार अशी पुरस्काराची रक्कम राहील.