लोकल बातम्या

राहुल बांते जिल्हा
फुटबॉल संघाचा कर्णधार
नागपूर : हिंगोली येथे २४ जानेवारी ते २ फेब्रुवारी या कालावधीत वेस्टर्न इंडिया फुटबॉल संघटनेच्या यजमानपदाखाली आयोजित आंतर जिल्हा पुरुष फुटबॉल स्पर्धेत सहभागी होणाऱ्या नागपूर जिल्हा संघाचे नेतृत्व राहुल बांते याच्याकडे सोपविण्यात आले आहे. अब्दुल बारी हे संघाचे कोच राहतील. अशोक यादव यांना व्यवस्थापक नेमण्यात आले आहे.
नागपूर जिल्हा फुटबॉल संघ असा:- राहुल बांते कर्णधार, फैजान अख्तर, सलमान आतिक, अंकुश भडांगे, इम्रान खान, फैझल अख्तर, मुमताझिम अफझल, शरिक नदीम, जावेद अख्तर, प्रतीक पटले, बास्को ॲन्थोनी, ख्रिस्टोफर पीटर, विष्णू यादव, रॉड्रिक्स ॲन्थोनी, अदनान घोरी, सकिब अन्वर, एम. समीर, अमीर अंजूम, मोहसिन खान आणि विल्सन साजी. (क्रीडा प्रतिनिधी)
..........................................
१९ वर्षे गटाची राज्य बुद्धिबळ स्पर्धा आजपासून
नागपूर : १९ वर्षे गटाची महाराष्ट्र राज्य बुद्धिबळ स्पर्धेला उद्या गुरुवारपासून दीक्षाभूमी येथील डॉ. बाबासाहेब आंबेडकर कॉलेज सभागृहात सुरुवात होत आहे. नागपूर जिल्हा बुद्धिबळ संघटनेच्या यजमानपदाखाली आयोजित या स्पर्धेचे उद्घाटन प्रसिद्ध कान- नाक - घसा तज्ज्ञ डॉ. मदन कापरे हे करतील. २६ जानेवारीपर्यंत रंगणाऱ्या या स्पर्धेत १५० खेळाडू सहभागी होत आहेत.
प्रियांशु पाटील, रोनित दास, आर्यन खुराणा, अनुप्रित पौलकर हे मुलांच्या नागपूर जिल्हा संघाचे प्रतिनिधित्व करणार आहेत. मुलींच्या संघात श्वेता गोळे, मृदुल डेहनकर, गायत्री पानबुडे, अनुष्का कोहळे यांचा समावेश असेल. (क्रीडा प्रतिनिधी)
..........................................