ऑनलाइन लोकमत
कोलकाता, दि. 4 : कोलकाता नाइट रायडर्सनं किंग्ज इलेव्हन पंजाबवर शानदार विजय मिळवला आहे. कोलकाता नाइट रायडर्सनं दिलेल्या 164 धावांचा पाठलाग करताना किंग्ज इलेव्हन पंजाबची पुरती दमछाक उडाली . किंग्ज इलेव्हन पंजाबनं 20 षटकांत 9 गड्यांच्या मोबदल्यात 156 धावापर्यंतमजल मारता आली. रसेलच्या उत्कृष्ट गोलंदाजीमुळे कोलकाता नाइट रायडर्सला विजय मिळवता आला. रसेलनं 3, मॉर्केल 1, चावलानं 2 बळी मिळवले .
त्यापुर्वी, प्रथम फलंदाजी करताना केकेआरने निर्धारित 20 षटकांत 3 गड्यांच्या मोबदल्यात 164 धावा केल्या करत किंग्ज इलेव्हन पंजाबसमोर केकेआरनं 165 धावांचं लक्ष्य ठेवलं . उथप्पा आणि कर्णधार गौतम गंभीरने दमदार सलामी दिली. १३.३ षटकात १०१ धावांच्या सलामीनंतर गंभीर बाद झाला. गंभीरने ४५ चेंडूत ५४ धावांची खेळी केली. तर उथप्पानं 49 चेंडूंत 6 चौकार आणि 2 षटकार लगावून झटपट 70 धावा केल्या . पठाननं नाबाद खेळत 1 चौकार लगावत 19 धावा केल्या आहेत. रसेलने 1 चौकार आणि 1 षटकार लगावत 16 धावा कुटल्या आहेत. पंजाबकडून एकाही गोलंदाजालां विकेट मिळवता आली नाही. केकेआरचे तिन्ही फलंदाज धावबाद झाले.