बर्लिन - भारताच्या महिला संघाला जर्मनीच्या बर्लिन येथे सुरू असलेल्या आंतरराष्ट्रीय तिरंदाजी स्पर्धेच्या कम्पाऊंड गटात रौप्यपदकावर समाधान मानावे लागले. अंतिम फेरीत फ्रान्सने 229-228 अशा फरकाने भारतीय संघाला पराभूत केले. भारताच्या रौप्यपदक विजेत्या संघात त्रिशा देब, ज्योती सुरेखा आणि मुस्कान किरार यांचा समावेश होता. उपांत्य फेरीत या खेळाडूंनी अव्वल मानांकित टर्कीवर 231-228 असा विजय मिळवला होता.
दरम्यान, मिश्र गटात अभिषेक वर्मा आणि ज्योती सुरेखा यांनी मिश्र गटात भारताला कांस्यपदक जिंकून दिले. त्यांनी टर्कीवर 156-153 असा विजय मिळवला.