ISSF World Cup: अभिषेक वर्माचा 'सुवर्ण'वेध अन् ऑलिम्पिक प्रवेश...

भारताच्या अभिषेक वर्माने नेमबाजी वर्ल्ड कप स्पर्धेत पुरुषांच्या 10 मीटर एअर पिस्तुल प्रकारात सुवर्णपदकाची कमाई केली.

बीजिंग : भारताच्या अभिषेक वर्माने नेमबाजी वर्ल्ड कप स्पर्धेत पुरुषांच्या 10 मीटर एअर पिस्तुल प्रकारात सुवर्णपदकाची कमाई केली. त्याने या सुवर्णपदकासह 2020च्या टोकियो ऑलिम्पिक स्पर्धेची पात्रता निश्चित केली. भारताकडून ऑलिम्पिकमध्ये प्रवेश मिळवणारा तो पाचवा नेमबाज ठरला आहे. याआधी अभिषेकने 2018च्या आशिया स्पर्धेत कांस्यपदक जिंकले होते, 2019च्या आशियाई अजिंक्यपद स्पर्धेत रौप्यपदकाची कमाई केली आहे.याआधी अंजुम मुदगील, अपूर्वी चंडेला ( 10 मीटर एअर रायफल), सौरभ चौधरी आणि दिव्यांश सिंग पानवर यांनी ऑलिम्पिक पात्रता निश्चित केली होती.  अभिषेकने 10 मीटर एअर पिस्तुल प्रकाराच्या अंतिम फेरीत 242.7 गुणांची कमाई करताना सुवर्णपदकावर नाव कोरलं, रुसच्या अर्तेम चेरनोसोव्हने 240.4 आणि कोरियाच्या हान सेवूंगोने 220.0 गुणांसह अनुक्रमै रौप्य व कांस्यपदक जिंकले.