आयएसएल : विजयाने बुस्ट झालेल्या केरळ ब्लास्टरचे आव्हान
स्वदेश घाणोकर - मुंबई
चेन्नईयन एक्स्प्रेसशी स्पर्धा करण्याचा प्रयत्न फसल्यानंतर मुंबई सिटीची अवस्था ‘आगीतून फुफाटय़ात’ अशीच झाली आहे. त्यांना घरच्या मैदानावर विजयी ट्रॅकवर आलेल्या केरळ ब्लास्टरशी मुकाबला करायचा आहे. रविवारी मुंबई सिटी आणि ब्लास्टर यांच्या नवी मुंबईतील डी. वाय. पाटील स्टेडियमवरील ही लढत दोन्ही संघांच्या वर्चस्वावर प्रश्नचिन्ह उपस्थित करणारी आहे. त्यात ब्लास्टर संघाचा सहमालक सचिन तेंडुलकर असल्याने या लढतीत पाहुण्यांनाही यजमानांइतकाच प्रेक्षकांचा पाठिंबा मिळेल, हे नक्की.
चार सामन्यांत तीन पराभव पत्करणा:या मुंबईसाठी यापुढील प्रत्येक लढत ही प्रतिष्ठेची असल्याने त्यांच्या समोर विजयाशिवाय दुसरा पर्यायच उपलब्ध नाही. कर्णधार सय्यद रहिम नबी आणि निकोलास अनेल्का यांच्या कमबॅकने मुंबईला दिलासा मिळाला असला, तरीही या दोघांना चेन्नईयन संघासमोर चांगली कामगिरी करता आलेली नव्हती. चेन्नईयनविरुद्ध त्यांनी 4-2-3-1 अशी आखलेली रणनीती सपशेल अपयशी ठरल्याने केरळाविरुद्ध त्यांना यात बदल करणो अपेक्षित आहे. नबीमुळे बचाव भक्कम झाला असला, तरी पॅवेल सिमोव्स, पीटर कोस्टा, मॅन्युएल फ्रायड्रिक यांच्यातील सातत्याच्या अभावामुळे मुंबईच्या पदरी निराशा आली आहे. फ्रेडी लुंगबर्ग, जावी फर्नाडेज, अॅण्ड्रे मॉरित्झ या मिडफिल्डर्सवर पुन्हा एकदा मदार असेल. त्यांना निकोलस अनेल्का, डिएगो नदाया आणि सुभाष सिंह यांची साथ लाभेल, अशी अपेक्षा करायला हरकत नाही.
चेन्नईयन संघाकडून 5-1 असा दारूण पराभव पत्करणारा मुंबई संघ खचलेला आत्मविश्वास परत मिळविण्यासाठी प्रय}शील असेल.
गुणतालिकेत मुंबईपेक्षा केरळचे पारडे जड दिसत आहे. दोन्ही संघांना प्रत्येकी एका विजयावर समाधान मानावे लागले असले, तरी जेतेपदाचे प्रबळ दावेदार अॅटलेटिको डी कोलकाता संघाला 1-1 अशा बरोबरीत रोखल्याने केरळ पाचव्या स्थानावर विराजमान आहे. या बरोबरीने केरळचा चार्ज झालेला आत्मविश्वास पुणो सिटी संघाविरुद्धच्या लढतीत सर्वानी पाहिला. पुण्याला त्यांच्याच घरच्या मैदानावर क्-1 अशा पिछाडीवरून मुसंडी मारून पराभूत करण्याची किमया केरळने सहज केली. त्यामुळेच मुंबईविरुद्ध त्यांनी चमत्कार केल्यास नवल वाटायला नको. केरळाचा हुकमी एक्का
त्यांचा गोलकिपर डेविड बेंजामीन
जेम्स हा आहे. त्याने आतार्पयत प्रतिस्पर्धी खेळाडूंचे 11 गोल
अडविले आहेत. त्यामुळे ही
भक्कम भिंत भेदण्याचे आव्हान मुंबईसमोर असेल.
प्रेक्षक बुचकळ्यात ?
सचिन..सचिन. असा नारा लावणारे प्रेक्षक रविवारी बुचकळ्यात पडणार आहेत. कारण, आपल्या घरच्या मैदानाला पाठिंबा द्यायचा, की सचिन तेंडुलकरच्या केरळ ब्लास्टर संघाला, या द्विधा मनस्थितीत ते सापडले आहे.
मॉरित्झ श्2 हय़ुम
स्पध्रेत आतार्पयत सर्वाधिक गोल चेन्नईयन संघाच्या एलानो ब्लमर याच्या नाववर असले, तरी रविवारच्या लढतीत मुंबईच्या अॅण्ड्रे मॉरित्झ आणि केरळच्या इयान हय़ुम यांच्यात टशन रंगणार आहे. गोल करण्याच्या यादीत हे दोघे अनुक्रमे 3 व 2 गोलसह दुस:या व तिस:या क्रमांकावर आहेत.