शहरं
Join us  
Trending Stories
1
सांगलीत शरद पवारांच्या राष्ट्रवादीला मोठा धक्का; आमदार पुत्राचा थेट भाजपमध्ये प्रवेश
2
मार्कशीटवर दिसले स्वीमीजी... विद्यार्थ्याने ऑनलाइन केला अर्ज, विद्यापीठाने घातला वेगळाच घोळ
3
पुणे अपघात प्रकरण: गौतमी पाटीलला अश्रू अनावर, चंद्रकांतदादांच्या 'त्या' व्हिडीओवर म्हणाली..
4
Navi Mumbai Airport: भव्य, दिव्य अन् नजर खिळवून ठेवणारं, पण नवी मुंबई विमानतळाबद्दल 'या' गोष्टी माहिती आहे का?
5
₹450 कोटींचा बंगला अन् ₹639 कोटींचा डुप्लेक्स..; धनकुबेरांना आकर्षित करतेय वरळी 'सी फेस'
6
फक्त १० वर्षांत १ कोटीचा फंड कसा तयार करायचा? SIP मध्ये दरमहा किती गुंतवणूक करावी लागेल?
7
कंडोम बनवणाऱ्या कंपनीची कमाल...! गुंतवणूकदारांना केलं मालामाल; गेल्या महिन्यातच बाजारात उतरली, दिला बंपर परतावा
8
"मी सर्वात पहिले पलायन करणाऱ्या बॅचमधील...!"; मैथिली ठाकूरच्या निवडणूक लढण्यासंदर्भात वडिलांची पहिली प्रतिक्रिया, तुम्हीही भावूक व्हाल
9
पूरग्रस्त शेतकऱ्यांसाठी ३१ हजार ६२८ कोटींचं पॅकेज जाहीर; राज्य सरकारने केली मोठी घोषणा
10
माझी पत्नी रात्रीच्या वेळी बनते नागीण आणि..., भयभीत पतीने थेट DM यांनां केली अशी विनंती, प्रकरण काय  
11
"सगळेच लोक अत्यंत...!"; विरोधकांच्या 'मत चोरी'च्या आरोपांवर मैथिली ठाकुरचं मोठं विधान, स्पष्टच बोलली
12
जॉन क्लार्क, मिशेल एच. डेवोरेट आणि जॉन एम. मार्टिनिस यांना भौतिकशास्त्राचा नोबेल जाहीर
13
न्यायाधीशाची न्यायालयातच गोळ्या घालून हत्या; पिता-पुत्रही जखमी, सुनावणी सुरू असताना घडली घटना
14
Chaitanyananda Saraswati : स्वयंघोषित बाबाचं 'फाईव्ह स्टार' सीक्रेट; डीनने मुलींना दिली हॉटेलमध्ये रात्र घालवण्याची धमकी
15
VIDEO: वैभव सूर्यवंशीचा ऑस्ट्रेलियात राडा! खूपच संतापला, भरमैदानात पंचांशी वाद घातला...
16
लोनवर Hero Splendor खरेदी करण्यासाठी किती डाउन पेमेंट करावं लागेल? किती लागेल मंथली EMI, जाणून घ्या
17
"सरकारने आज घोषित केलेली मदत म्हणजे शेतकऱ्यांची थट्टा, शेतकऱ्यांना कर्जमाफी कधी देणार?’’, काँग्रेसचा सवाल   
18
मोदी सरकारचा मोठा निर्णय; महाराष्ट्रासह या राज्यांमध्ये चार नवीन रेल्वे प्रकल्पांना मंजुरी
19
"शेतकऱ्यांना पंजाबपेक्षा जास्त मदत दिली, तुलना करण्यापेक्षा..."; एकनाथ शिंदेंनी विरोधकांना सुनावलं
20
इतक्या कोटींची मालकीण आहे २५ वर्षीय मैथिली ठाकूर! एका शोचे मानधन किती? बिहार निवडणुकीमुळे चर्चेत

शेवटच्या चढाईवर नितीनचे तीन गुण, देना बँक बाद फेरीत, बलाढ्य महिंद्राचे साखळीतच आव्हान संपुष्टात

By ऑनलाइन लोकमत | Updated: April 29, 2018 20:20 IST

देना बँकेचा नितीन देशमुख बलाढ्य महिंद्र आणि महिंद्र विरूद्ध एकटा लढला आणि विजयाचा घास त्यांच्या घशातून काढून सामना 34-34 असा बरोबरीत सोडवत आपल्या संघाला आमदार चषक व्यावसायिक गट कबड्डी स्पधेच्या बाद फेरीत स्थान मिळवून दिले.

मुंबई  -   देना बँकेचा नितीन देशमुख बलाढ्य महिंद्र आणि महिंद्र विरूद्ध एकटा लढला आणि विजयाचा घास त्यांच्या घशातून काढून सामना 34-34 असा बरोबरीत सोडवत आपल्या संघाला आमदार चषक व्यावसायिक गट कबड्डी स्पधेच्या बाद फेरीत स्थान मिळवून दिले. देना बँक आणि महिंद्रला एकही विजय मिळविता आला नसला तरी कमी सरस गुणांच्या आधारे देना बँकेने गटात दुसरे स्थान मिळवत बाद फेरी गाठली तर महिंद्रचे आव्हान साखळीतच संपुष्टात आले. तसेच भारत पेट्रोलियम आणि महाराष्ट्र पोलीसांनी दोन्ही साखळी सामने जिंकत उपांत्यपूर्व फेरीत धडक मारली. मात्र एअर इंडियाला पहिल्याच सामन्यात हरवणाऱया मुंबई बंदरलाही सरस गुणांमध्ये मागे पडल्यामुळे बाद व्हावे लागले आहे. आता उपांत्यपूर्व फेरीत मध्य रेल्वेची गाठ आयकराशी पडेल तर आर्मी विरूद्ध महाराष्ट्र पोलीस असे द्वंद्व रंगेल. पुण्याच्या बीईजीशी एअर इंडिया भिडेल तर देना बँकेला बलाढ्य भारत पेट्रोलियमशी लढावे लागणार आहे.

माहिम विधानसभेचे आमदार सदा सरवणकर यांच्या पुढाकारामुळे प्रभादेवीचा राजा सार्वजनिक गणेशोत्सव मंडळ आणि शिवसेना शाखा क्र. 194 यांनी संयुक्त आयोजित केलेल्या आमदार चषक कबड्डी स्पर्धेच्या तिसऱया दिवशी कबड्डीप्रेमींना अंगावर शहारे आणणारा थरार अनुभवायला मिळाला. चारही सामने महत्त्वाचे असल्यामुळे प्रचंड संघर्ष आणि गुणांची रंगतदार चढाओढ पाहायला मिळाली. तिसऱया दिवशी कबड्डीप्रेमींची मनं जिंकली ती देना बँकेच्या नितीन देशमुखने. या धिप्पाड आणि भीमकाय देहयष्टीच्या खेळाडूने केलेल्या चढायांनी आजचा दिवस गाजवला. महिंद्रा आणि महिंद्र विरूद्ध देना बँक अशी लढत खऱया अर्थाने महिंद्र विरूद्ध देना बँक अशीच झाली. आघाडी - पिछाडीच्या रस्सीखेचीत कधी महिंद्र आघाडीवर होता तर कधी देना बँक. पण हा सामना पूर्णपणे महिंद्राच्या नियंत्रणात होता. सामन्याच्या प्रारंभीच ओमकार जाधव, स्वप्निल शिंदे आणि अजिंक्य पवार यांनी महिंद्र 10-5ves आघाडीवर होता. पण तेव्हाही नितीनने खोलवर चढाया करून दोन-दोन गुण मिळवत केवळ पिछाडीच भरून काढली नाही तर महिंद्रवर लोण चढवत मध्यंतराला 17-14 अशी आघाडीही मिळवून दिली.

मध्यंतरानंतर सामन्याला पुन्हा कलाटणी मिळाली. ओमकार जाधवच्या काही वेगवान चढायांनी 15-19 अशा पिछाडीवर असलेल्या महिंद्रला लोण चढवत 20-19 अशी आघाडी मिळवून दिली. पुढच्या तीन मिनीटाच्या खेळात आणखी एक लोण चढवत महिंद्रची आघाडी 30-19 अशी वाढते. शेवटच्या पाच मिनीटात महिंद्रकडे 31-20 अशी 11गुणांची आघाडी होती. तेव्हा कुणीही डोळे झाकून सांगू शकतो की जिंकणार कोण. पण नितीन देशमुखच्या बाहुबलीसारख्या बलशाली चढायांनी पूर्ण सामनाच फिरवला. सलगच्या चढाईत दोनदा दोन-दोन गुण टिपत नितीनने महिंद्रावर लोण चढवून सर्वांच्या हृदयाचे ठोके वेगवान केले. शेवटची दोन मिनीटे असतानाही देना बँक 29-33 अशी मागे होती. महिंद्रला फक्त डोक्याने खेळायचे होते, पण नितीन देशमुखच्या खेळापुढे त्यांचे डोकेच सुन्नं झाले. देना बँकेकडून फक्त नितीनच चढाया करत होता. त्याने शेवटच्या दोन मिनीटातील पहिल्या दोन चढायांत एक गुण आणि एक बोनस मिळवत गुणफलक 31-33 असा केला. सामना संपायला अवघी 35 सेंकद होती. तेव्हा ओमकार जाधव चढाईवर एक गुण आणतो आणि महिंद्रचा स्कोर होतो 34-31. सामन्याची शेवटची चढाई करायला नितीन सरसावतो. अशा स्थितीत महिंद्रला शांत डोक्याने खेळण्याची गरज होती, पण नितीनच्या वेगवान खेळामुळे बधीर झालेल्या महिंद्रच्या खेळाडूंना काही सुचलेच नाही. आपल्याला पकडण्यासाठी पुढे आलेल्या स्वप्निल शिंदेला तो बाहेर फेकतो आणि त्यानंतर खोलवर चढाई करत डावा कोपरारक्षक ऋतूराज कोरवीला स्पर्श करतो. दुसऱया क्षणी नितीनला रोखण्यासाठी अजिंक्य पवार सरसावतो, पण नितीन झेप घेत रेषेला स्पर्श करतो आणि चढाईत तीन गडी बाद करून सामना बरोबरीत संपतो. पूर्ण सामना नितीन एकटा लढला आणि त्याने एकहाती संघाला बाद फेरीही गाठून दिली.

दुसऱया एका सामन्यात नाशिक आर्मी मोनू गोयत आणि महा निगमसारख्या खेळाडूंच्या उपस्थितीतही आघाडीनंतरही मागे पडतो. 19-16 ने आघाडीवर असलेल्या नाशिक आर्मीला एअर इंडियाच्या विकास काळेच्या सुसाट चढायांमुळे35-52 अशी हार सहन करावी लागली. पहिल्या सामन्यात पराभवाचा सामना करणाऱया एअर इंडियाने दुसऱया डावात आर्मीला तीनदा बाद करण्याचा पराक्रम केला. भारत पेट्रोलियमने सलग दुसरा विजय नोंदवताना नितीन मदनेच्या एकापेक्षा एक चढायांच्या जोरावर 24-19 अशी बाजी मारली. एअर इंडियाला आठ गुणांनी हरवणाऱया मुंबई बंदरला आर्मीविरूद्धचा 43-24 हा 19 गुणांचा पराभव महागात पडला. आता बाद फेरीत एअर इंडियासमोर बीईजीचे आव्हान असेल. दुसरीकडे महाराष्ट्र पोलीसांनीही सलग दुसरा विजय नोंदविताना बीईजीचा 37-31 असा पराभव केला. पोलीसांकडून महेश मकदूमने भन्नाट खेळ केला. या विजयात त्याला साथ लाभली ती बाजीराव होडगे, महेंद्र राजपूतची. बीईजीकडून राजकुमार आणि लुईस चांगले खेळले.

रिशांक आणि आर्मीसाठी टाळ्यांचा कडकडाट

आजच्या सामन्यांमध्ये निवेदक राणाप्रताप तिवारी यांच्या उत्साहवर्धक आणि स्फूर्तीदायक निवेदनाने कार्यक्रमात जान आणली. महाराष्ट्राला राष्ट्रीय स्पर्धेत जेतेपद मिळवून देणाऱया रिशांकच्या अंतिम सामन्यातील धडाकेबाज चढायांची चित्रफित दाखवल्यानंतर स्टेडियममध्ये एक मिनीट टाळ्यांचा कडकडाट होत होता. तसेच साडे तीन महिन्यांत एलफिन्स्टन-परळला रेल्वे स्थानकांना जोडणारा पुल बनविणाऱया आर्मीचेही प्रभादेवीकरांनी दिल खोलकर कौतुक केले. या कौतुक सोहळ्यावर राणाप्रताप तिवारी यांच्या दमदार आणि जोशपूर्ण निवेदनाने कळस चढवला.

टॅग्स :Kabaddiकबड्डीMumbaiमुंबई