अभिजितची साधना फळास आली, ड्रॉ अवघड असतानाही दडपण न बाळगता मारली बाजी

पुणे : हवेली तालुक्यातील कटकेबवाडीच्या अभिजितने महाराष्ट्राच्या लालमातीचा सर्वोत्तम किताब मिळविताना गेली सहा-सात वर्षे केलेली साधना अखेर फळास आली.६१ व्या राज्य अजिंक्यपद स्पर्धेत महाराष्ट्र केसरी गटात अभिजित सहभागी झाला तो गदा मिळविण्याच्या भक्कम इराद्याने. सोडत अवघड असताना देखील अभिजितच्या चेहºयावर तसुभर दडपण आले नव्हते. पहिल्याच फेरीत पुणे जिल्ह्याचा महाबली शिवराज राक्षेचे आव्हान ७-२ गुणांनी आघाडी घेत सहजतेने परतवून लावले होते. शिवराजवर केलेली आक्रमणे अतिशय वाखणण्याजोगी होती. पहिल्यांच फेरीतून मी किताबाचा प्रबळ दोवदार आहे याची चुणूक त्याने दाखविली.दुसºया फेरीत आंतरराष्ट्रीय खेळाडू गणेश जगताप याच्याबरोबर झालेली लढत अतिशय शांत डोक्याने खेळत अभिजितने गुणांवर मात केली. थंड डोक्याने केलेले डावपेच अभिजितला विजयी करण्यास सहायभूत ठरले. मोक्याच्या वेळी अभिजितने केलेला बचाव एखाद्या मुत्सद्दी कुस्तीगीरासारखा होता.उपांत्य फेरीत कोल्हापूरच्या महेश वरुटेबरोबरची लढत अभिजितच्या दृष्टीने फारशी आव्हानात्मक नव्हती. महेश वरुटेवर एका पाठोपाठ एक गुणांची कमाई करत लढत १० गुणांच्या फरकाने अभिजितने एकतर्फी जिंकत गादी विभागाच्या अंतिम फेरीत प्रवेश केला.या अंतिम फेरीच्या लढतीत अक्षय शिंदेचे आव्हान खडतर असेल असे अनेक कुस्ती शौकिनांचे मत होते. कारण वरिष्ठ राष्ट्रीय स्पर्धेच्या निवड चाचणीत अभिजित विरुद्ध अक्षयची लढत काटेकी टक्कर अशी झाली होती. परंतु या लढतीतील चुका ध्यानात घेऊन अभिजितने अक्षयला कोणतीही संधी न देता सलग गुणांची बरसात करत एका पाठोपाठ एक १० गुण मिळवून उपस्थित कुस्ती शौकिनांचे अंदाज चुकीचे ठरवत एकतर्फी विजय मिळवून महाराष्ट्र केसरी किताबाच्या अंतिम फेरीत धडक मारली.खºया अर्थाने अभिजितची कसोटी होती ती अनुभवी किरण भगतच्या प्रबळ आव्हानासाठी. सहा मिनिटाच्या कुस्तीपैकी पाच मिनिटे १२ सेकंद कुस्ती झाली असताना ४-७ गुणांनी पिछाडीवर असलेल्या अभिजितने शेवटच्या ४० सेकंदात दिलेली लढत आजही प्रेक्षकांच्या डोळ्यासमोरून न हलणारी आहे. एवढेच नाहीतर अभिजितचे मार्गदर्शक अमर निंबाळकर यांनी दाखविलेली खेळाडू वृत्ती आणि अभिजितला दिलेले प्रोत्साहन या कुस्तीचे वैशिष्ट्य म्हणता येईल. ८-७ गुणांचा गुणफलक आणि २० सेकंद बाकी, समोर अनुभवी किरणसारखा मल्ल हुकमी डाव टाकण्याच्या इराद्यात आणि अशा वेळी न गडबडता अभिजितने केलेला बचाव आणि त्यातून संपादन केलेले गुण फारच दुर्मिळतेने पाहण्यास मिळतात.एकंदरीत अभिजितचा विजय म्हणजे अखंड साधनेतून केलेली मेहनत, आक्रमक लढाऊ वृत्ती आणि भक्कम बचाव या त्रिसूत्रीमुळे मिळाला असे म्हणणे वावगे ठरणार नाही.महाराष्ट्र केसरीच्या या रंगतदार लढतीबरोबर अनेक उमद्या खेळाडूंनी देखील प्रेक्षकांच्या डोळ्याचे पारणे फेडले. पहिल्यांदाच वरिष्ठ विभागात पदार्पण केलेला पुणे जिल्ह्याचा आदर्श गुंड याने मिळविलेला विजय खूपच कौतुकास्पद होता. कांस्यपदकाला गवसणी घालताना आदर्शने अनेक अनुभवी मल्लांना लीलया हरवले. तसेच पुणे शहराच्या तेजस वांजळेने मिळविलेले सुवर्ण पदकदेखील वाखणण्याजोगे ठरले. माती विभागात इंदापूरच्या सागर मारकडचे सुवर्णपदक काही कमी मोलाचे नव्हते. थोडक्यात पुणे जिल्ह्यातील या नवोदित मल्लांचे यश देखील तोलामोलाचे आहे.