हर्बर लाईनवरील वाशी रेल्वे स्थानकात एक विचित्र, परंतु माणूसकी अजूनही जीवंत आहे, हे सांगणारा प्रसंग घडला. वाशी रेल्वे स्थानकात ट्रेन आलेली असताना एका प्रवाशाने रूळ ओलांडण्याची घाई केली आणि तो ट्रेनच्या चाकाखाली जाऊन अडकला. त्याला वाचवण्यासाठी प्लॅटफॉर्मवरील सर्व प्रवाशांनी १२ डब्बे मागे ढकलले.. रेल्वे अधिकाऱ्याने या वृत्ताला दुजोरा दिला आणि त्याचवेळी त्यांनी सब वे आणि फूट ओव्हर ब्रिज वापरा असे आवाहन केलं.
सोशल मीडियावर हा व्हिडीओ व्हायरल झाला आहे. यामध्ये प्रवाशी ट्रेनच्या खाली अडकलेल्या प्रवाशाला वाचवण्यासाठी प्लॅटफॉर्मवर उभे असलेले प्रवाशी ट्रेनच्या डब्ब्यांना धक्का देताना दिसत आहेत. पण, त्यांचा हा प्रयत्न अपयशी ठरला. पनवेलच्या दिशेने जाणाऱ्या या ट्रेनमधील मोटरमनने इमर्जन्सी ब्रेक मारल्याने ट्रेन पूर्णपणे वाशी स्थानकात दाखल झाली नव्हती. Cat_of_Culture हा नावाच्या युजरने हा व्हिडीओ पोस्ट केला होता.
''लोक ट्रेनचे डब्बे बाजूला करण्याचा प्रयत्न करत होते आणि डब्बे ढकलणाऱ्यांपैकी मी एक होतो. डब्बे थोडे मागे सरकले आणि त्याा व्यक्तिला बाहेर काढण्यात यश आले,''असे त्या युजरने लिहिले आहे. या घटनेला लोक स्पीरिट ऑफ मुंबई/नवी मुंबई असे म्हणत होते. रेल्वेच्या CCTV फुटेजमध्ये ही व्यक्ती रेल्वे रुळ ओलांडण्याचा प्रयत्न करत असताना दिसली आणि त्याचवेळी ट्रेन आली.