मधुकर ठाकूर -
उरण : शिवसेनेच्या मदतीवर राजकारणात आलेल्या उद्धट, उर्मट अपक्ष आमदार महेश बालदी आणि शिवसेनेशी गद्दारी करुन उध्दव ठाकरे यांच्यावर टीका करणाऱ्या आमदार भरत गोगावले या दोघांचा या निवडणुकीत पराभूत करून शिवसैनिक अस्मान दाखवतील, असा ठाम विश्वास रायगड जिल्हा प्रमुख माजी आमदार मनोहर भोईर यांनी उरण येथे व्यक्त केला आहे.
शिवसेना रायगड जिल्हा प्रमुख तथा माजी आमदार मनोहर भोईर यांच्या वाढदिवसानिमित्ताने उरणमध्ये गुरुवारी (१) विविध प्रकारच्या व्याधींसाठी मोफत आरोग्य शिबिराचे आयोजन करण्यात आले आहे. उरण तालुका व उरण शहर शिवसेना शाखा यांच्या पुढाकाराने आणि शुश्रुषा सुपर स्पेशालिटी हॉस्पिटल यांच्या संयुक्त विद्यमाने या शिबिराचे आयोजन करण्यात आले आहे.या आयोजित मोफत शिबिरात ह्रदय तपासणी,ईसीजी,शुगर, रक्तदाब, आरबीएस, रक्त चाचणी, जनरल चेक अप, डोळ्यांची तपासणी, मोफत चष्मे वाटप, शुगर,बीपीची मोफत औषधे दिली जाणार आहेत.
या आयोजित शिबिराच्या उद्घाटनप्रसंगी मनोहर भोईर बोलत होते.शिवसेनेच्या बळावरच राजकारणात प्रवेश करणाऱ्या अपक्ष आमदार महेश बालदी यांनी उध्दट, उर्मटपणे शिवसेना शिवसेना पक्षप्रमुख उध्दव ठाकरे यांच्यावरच टीका सुरू केली आहे.तर शिवसेनेचे ॠण विसरून शिवसेनेशी गद्दारी करणारे भरत गोगावले शिवसेनेवर वाह्यात टीका करुन लागले आहेत.शिवसेना पक्षप्रमुख उद्धव ठाकरे यांच्यावर टीका करणाऱ्या उद्धट, उर्मट अपक्ष आमदार महेश बालदी आणि शिवसेनेशी गद्दारी करुन उध्दव ठाकरे यांच्यावर टीका करणाऱ्या आमदार भरत गोगावले या दोघांचा या निवडणुकीत पराभूत करून शिवसैनिक अस्मान दाखवतील असा ठाम विश्वास मनोहर भोईर यांनी उद्घाटनप्रसंगी व्यक्त केला आहे.
याप्रसंगी जेएनपीए कामगार ट्र्स्टी तथा माजी जिल्हा प्रमुख दिनेश पाटील, शिवसेना उरण विधानसभा मतदार संघाचे प्रवक्ते महादेव घरत, जिल्हा महिला उपसंघटीका ममता पाटील, उपजिल्हा प्रमुख नरेश रहाळकर, तालुका प्रमुख संतोष ठाकूर,उरण शहर संघटीका सुजाता गायकवाड,घारापुरी उपसरपंच बळीराम ठाकूर, तालुका अवजड वाहतूक संघटनेचे चेतन म्हात्रे,शहर संपर्क प्रमुख गणेश म्हात्रे,विभाग प्रमुख एस.के.पुरो,के.एल.कोळी, माजी नगरसेवक तुषार ठाकूर, निलेश भोईर, गायकवाड,माजी नगराध्यक्ष गणेश शिंदे,शहर प्रमुख विनोद म्हात्रे, कैलास पाटील यांच्या शिवसैनिक, कार्यकर्ते, पदाधिकारी मोठ्या संख्येने उपस्थित होते.