एमपीएससी परीक्षेच्या उमेदवारांचे ओळखपत्र लीक करणाऱ्याला अटक; सायबर पोलिसांची कारवाई

बुधवारी रात्री त्याला अटक केल्याची माहिती पोलिस आयुक्त मिलिंद भारंबे यांनी सांगितले.

नवी मुंबई: एमपीएससी परीक्षेच्या उमेदवारांचे ओळखपत्र लीक करणाऱ्याला सायबर पोलिसांनी अटक केली आहे. गतमहिन्यात सीबीडी पोलिस ठाण्यात याप्रकरणी गुन्हा दाखल करण्यात आला आहे. तो पुणेचा राहणारा असून बीएससीचा विद्यार्थी आहे. त्याने हॅकिंगचा कोर्स केलेला असून त्याने 400 डॉलरला एमपीएससीच्या प्रश्नपत्रिका व ओळखपत्र हॅक करण्याची सुपारी घेतली होती. डार्क नेटच्या माध्यमातून तो काही हॅकर्सच्या संपर्कात होता. बुधवारी रात्री त्याला अटक केल्याची माहिती पोलिस आयुक्त मिलिंद भारंबे यांनी सांगितले.