एक्स्प्रेस-वेवर अपघात; बिहारचे आमदार जखमी

सायन-पनवेल महामार्गावर बुधवारी दुपारी दोन वाहनांची धडक बसून झालेल्या भीषण अपघातात बिहारमधील जेडीयूचे आमदार शिवाजी राय हे गंभीर जखमी झाले आहेत.

पनवेल : सायन-पनवेल महामार्गावर बुधवारी दुपारी दोन वाहनांची धडक बसून झालेल्या भीषण अपघातात बिहारमधील जेडीयूचे आमदार शिवाजी राय हे गंभीर जखमी झाले आहेत. त्यांच्यासह या अपघातात जखमी झालेल्या तिघांवर खारघर येथील रुग्णालयात उपचार सुरू आहेत. दरम्यान, आमदार राय यांची प्रकृती चिंताजनक असल्याची माहिती डॉक्टरांनी दिली.सायन-पनवेल महामार्गावर पुणे लेनवर भारती विद्यापीठजवळ बुधवारी दुपारी अडीच वाजण्याच्या सुमारास हा अपघात झाला. आमदार राय हे आपले सहकारी सुधीर सिन्हा यांच्यासह गाडीतून पुण्याच्या दिशेने जात होते. खारघर येथील भारती विद्यापीठजवळ त्यांच्या गाडीच्या पुढे भरवेगाने जाणाऱ्या स्वीफ्ट गाडीचा टायर अचानक फुटला. मागून येणाºया वॅगनार चालकाने धडक वाचविण्यासाठी गाडी डाव्या बाजूला वळविली. त्यामुळे त्याचा गाडीवरील ताबा सुटल्याने ती थेट रस्त्याच्या कडेला असलेल्या नाल्यात कोसळली.या अपघातात वॅगनारमधील आमदार राय यांच्यासह सुधीर सिन्हा आणि चालक मनोज मिश्रा हे तिघे जखमी झाले आहेत. जखमींवर उपचार सुरू असल्याची माहिती खारघर वाहतूक शाखेचे स.पो.नि. प्रवीण पांडे यांनी दिली.