ठाणे : वागळे इस्टेट परिसरातील औद्योगिक प्रशिक्षण केंद्राच्या प्रांगणात क्रिकेट खेळण्यावरून प्रशिक्षण केंद्राचे प्राचार्य व शिक्षक यांनी पाच विद्यार्थ्यांना बांबूने मारहाण केल्याची घटना शुक्रवारी घडली. याप्रकरणी श्रीनगर पोलिसांनी गुन्हा दाखल करून प्राचार्यांना अटक केली.वागळे इस्टेट परिसरातील औद्योगिक प्रशिक्षण केंद्राच्या दुसऱ्या वर्षात शिकणारे विद्यार्थी सूरज मोकाशी, संदीप पिसाळ, विराज मांडवकर, संदीप शिर्के, प्रवीण कांबळे आणि भूषण बांगर या सर्व विद्यार्थ्यांना ही मारहाण करण्यात आली आहे. शुक्रवारी त्यांचे प्रशिक्षण तास रद्द झाल्याने हे सर्व विद्यार्थी केंद्राच्या प्रांगणात क्रिकेट खेळत होते. दरम्यान या प्रशिक्षण केंद्राचे प्राचार्य व एका शिक्षकाने या विद्यार्थ्यांना क्रिकेट खेळण्याच्या रागातून या विद्यार्थ्यांना बांबूने मारहाण केली. या मारहाणीत विद्यार्थ्यांच्या पाठीवर, हातावर व्रण आले आहेत. (प्रतिनिधी)
क्रिकेटवरून वाद; प्राचार्याला अटक
By admin | Updated: December 21, 2014 01:57 IST