रेल्वे अपघातांत दोघांचा मृत्यू

ट्रान्स हार्बर मार्गावर झालेल्या दोन वेगवेगळ्या अपघातांत दोघांचा मृत्यू झाल्याची घटना घडली. या अपघातांत ठार झालेल्यांमध्ये

लोकमत न्यूज नेटवर्कनवी मुंबई : ट्रान्स हार्बर मार्गावर झालेल्या दोन वेगवेगळ्या अपघातांत दोघांचा मृत्यू झाल्याची घटना घडली. या अपघातांत ठार झालेल्यांमध्ये एका २२ वर्षीय तरु णीचा समावेश आहे. तुर्भे रेल्वे स्टेशनच्या फलाट क्र मांक-२वर शनिवारी रात्री १०.१५ वाजण्याच्या सुमारास घडलेल्या पहिल्या अपघातात ५२ वर्षीय ओमप्रकाश सीताराम सिंग यांचा मृत्यू झाला. टिटवाळा येथे राहणारे सिंग वाशीतील एका रोडवेज कंपनीत काम करत होते. शनिवारी रात्री नेहमीप्रमाणे कामावरून सुटल्यानंतर ते घरी जाण्यासाठी तुर्भे रेल्वे स्टेशनच्या फलाट क्रमांक-२वर लोकल पकडण्यासाठी आले होते. मात्र, लोकल सुटल्यानंतर सिंग यांनी धावत लोकल पकडण्याचा प्रयत्न केला. त्यामुळे ते फलाटावर पडल्याने त्यांच्या डोक्याला जखम होऊन ते गंभीर झाले. या वेळी त्यांना महापालिकेच्या वाशी येथील रु ग्णालयात दाखल करण्यात आले. मात्र, येथील डॉक्टरांनी त्यांना मृत घोषित केले. या अपघातानंतर रविवारी जुईनगर रेल्वे स्टेशनजवळ झालेल्या दुसऱ्या अपघातात २२ वर्षीय चैत्राली रामदास गलांडे या तरुणीचा लोकलच्या धडकेत मृत्यू झाला. जुईनगर येथील पारसमणी कॉम्प्लेक्समध्ये राहणाऱ्या चैत्रालीने नुकतेच आपले फार्मसीचे शिक्षण पूर्ण केले होते. रविवारी सकाळी कुर्ला येथे आपल्या नातेवाइकांकडे जाण्यासाठी चैत्राली रेल्वे रु ळ ओलांडून जुईनगर रेल्वे स्टेशनवर येत असताना, भरधाव लोकलची तिला धडक लागली.