सुरगाण्यात युवकाचा निर्घृण खून

सुरगाणा -दाढी करून येतो असे सांगून घरातून बाहेर पडलेल्या तालुक्यातील माणी येथील युवकाचा मृतदेह घरापासून दूर ३० ते३५ कि.मी. अंतरावरील बोरगांव - सापुतारा महामार्गाविरल ठाणापाडा शिवारातील जंगलात मिळून आल्याने तालुक्यात खळबळ उडाली आहे. मंगळवार (दि.२१) रोजी सुरगाणा पोलिसांना वणी- सापुतारा राज्य महामार्गावरील ठाणापाडा शिवारात तालूक्यातील मोठी घोडी येथील तरूणाचा मृतदेह सापडला. जमिनीच्या वादातून आपल्या मुलाचा घातपात घडवून आणल्याची फिर्याद मयतच्यावडीलांनीदाखल केल्याने पोलिस ठाण्यात तिघांचे विरोधात गुन्ह्याची नोंद करण्यात आली आहे.कळवण प्रकल्प चतूर्थ श्रेणी कर्मचारी संघटनेचे अध्यक्ष जयराम मोरे (मोठी घोडी, हल्ली मुक्काम माणी) यांचा मुलगा कल्पेश हा त्यांच्या मालकीची स्कॉर्पिओ जिप क्र . एमएच ०४ ए एफ ०१६८ घेवून गुरूवार दिनांक १६ जून रोजी घरातून बाहेर पडला होता. तो घरी न आल्याने त्याचा सर्वत्र तपास सुरू होता. कदाचित मित्रांबरोबर गोव्याला गेला असेल असे समजून घरातील मंडळी त्याची आतूरतेने वाट पाहात होते.मंगळवारी ठाणापाडा शिवारातील दरीत तरूणाचा मृतदेह पडलेला असल्याची खबर पो.पा. गणेश जाधव यांनी सुरगाणा पोलिसांना दिली. त्यानुसार पोलिस उपनिरिक्षक सचिन गवळी, जे.डी. सोनवणे, व पोलिस कर्मचारींनी घटनास्थळी जाऊन पाहिले असता २२ ते २५ वयोगटातील तरूणाचा चाकूने भोसकून व डोक्यात दगड घालून अत्यंत छिन्न विछीन्न अवस्थेतील मृतदेह आढळला. मात्र मृतदेहाच्या अंगावरील टी शर्ट वर ओम बजरंगबली उदयपूर, ता.सुरगाणा या नावा वरून सदरचा मृतदेह मोठी घोडी येथील (हल्ली मुक्काम माणी) येथील कल्पेश मोरे या तरूणाचा असल्याचे सिध्द झाले. सुरगाणा ग्रामीण रूग्णालयात उत्तरिय तपासणी नंतर मृतदेह नातलगांच्या ताब्यात देण्यात आला. दरम्यान, मागील भांडणाची कुरापत काढून गावातील संशियत रमेश सोमनाथ गायकवाड व सोमनाथ बन्सु गायकवाड या पिता पुत्रासह सोमनाथ यांचा जावई यांनी संगनमताने कल्पेशचा घातपात घडवून स्कॉर्पिओ गाडी पळवून नेल्याची तक्र ार मयत युवकाचे वडील जयराम यशवंत मोरे यांनी सुरगाणा पोलिस ठाण्यात दिली आहे. कल्पेशच्या पश्चातपत्नी, चार वर्षाचा व चार मिहन्याच्या दोन मुलांसह दोन भाऊ, आई, वडील असा परिवार आहे. वरिष्ठांच्या मार्गदर्शनाखाली पुढील तपास पोलिस उपनिरिक्षक सचिन गवळी हे करीत आहेत.फोटो :- मयत कल्पेश मोरे (२२कल्पेश् मोरे)