रॉयल चॅलेंजर बंगळुरू टीम या वर्षी विजेता ठरली. काही दिवसांपूर्वी RCB टीम आणखी एका कारणामुळे चर्चेत आली आहे. याचे कारण म्हणजे आरसीबी टीमची मालकी कंपनी Diageo संघ विकण्याचा विचार करत आहे. त्या टीमचे मूल्यांकन सुमारे २ अब्ज डॉलर्स असल्याचेही उघड झाले. ही टीम कर्नाटकचे उपमुख्यमंत्री डीके शिवकुमार खरेदी करणार असल्याच्या चर्चा सुरू आहेत. दरम्यान, आता या चर्चांवर स्वत: डीके शिवकुमार यांनी प्रतिक्रिया दिली.
आरसीबीची टीम खरेदीच्या चर्चांना आता डीके शिवकुमार यांनी पूर्णविराम दिला आहे. उपमुख्यमंत्री शिवकुमार यांचा एक व्हिडीओ सोशल मीडियावर व्हायरल झाला आहे. यामध्ये ते आरसीबीला खरेदी करण्याच्या बातम्यांचे खंडन करत आहेत. यावेळी ते म्हणाले की, या वृत्तांमध्ये कोणतेही तथ्य नाही. यावेळी डीके शिवकुमार म्हणाले की, मला आरसीबीची गरज का आहे, मी रॉयल चॅलेंजही पीत नाही. आता त्यांच्या या विधानाची चर्चा सुरू झाली आहे.
व्हिडिओमध्ये, डीके शिवकुमार आरसीबीला खरेदी करण्याच्या वृत्ताचे खंडन केले.ते म्हणाले की, 'मी वेडा नाही. मी बऱ्याच काळापासून कर्नाटक क्रिकेट असोसिएशनचा सदस्य आहे. माझ्याकडे वेळही नाही, जरी मला व्यवस्थापनाचा भाग होण्याच्या ऑफर आल्या होत्या...मला आरसीबीची काय गरज आहे? मी रॉयल चॅलेंजही पीत नाही.'
कंपनीनेही खंडण केले
सध्या डीके शिवकुमार यांच्या मुलाखतीचा व्हिडीओ व्हायरल झाला आहे. आरसीबीची मूळ कंपनी डियाजियो इंडियाने या प्रकरणी आधीच स्पष्टीकरण दिले आहे. कंपनीने स्पष्ट केले आहे की, हे अहवाल केवळ अटकळ आहेत आणि आरसीबी विकण्यासाठी कोणतीही चर्चा सुरू नाही. डियाजियोचे सीएस मित्तल संघवी यांनी बीएसईला दिलेल्या निवेदनात म्हटले आहे की, 'कंपनी हे स्पष्ट करू इच्छिते की सदर मीडिया रिपोर्ट्स या फक्त अफवा आहेत.'