नवी दिल्ली : आपले लक्ष्य असलेल्या व्यक्तींना ठार करण्यासाठी त्यांना विषयुक्त पत्र पाठविण्याची योजना इंडियन मुजाहिदीनने आखली असल्याचा खुलासा त्या संघटनेच्या सहा संशयितांविरुद्ध दाखल केलेल्या आरोपपत्रद्वारे पोलिसांनी केला आहे.
बेकायदेशीररीत्या शस्त्रंचा कारखाना चालविल्याबद्दल एका दहशतवादी संघटनेच्या सहा संदिग्ध व्यक्तींविरुद्ध न्यायालयात दाखल केलेल्या आरोपपत्रत पोलिसांनी उपरोक्त बाब नमूद केली आहे.
आपल्या पूरक आरोपपत्रत दिल्ली पोलिसांच्या विशेष शाखेने, चौकशीदरम्यान मुजाहिदीनचे संदिग्ध दहशतवादी तहसीन अख्तर व मोहम्मद वकार अजहर यांनी रसायनांपासून विष बनविण्याचा प्रयत्न केल्याचे सांगितले असल्याचे म्हटले आहे.
या चौकशीत या दोन्ही आरोपींनी मॅग्नेशियम सल्फेट, एसीटोन व कॅस्टर सीड्ससारख्या रसायनांच्या साहाय्याने विष बनविण्याचा प्रयत्न केला होता असे सांगितल्याचे आरोपपत्रत नमूद केले आहे. हे विष बनविण्यामागे, विषाने माखलेले पत्र पाठवून आपल्या लक्ष्याला ठार करण्याचा इरादा असल्याचे म्हटले आहे. (लोकमत न्यूज नेटवर्क)