तीन वर्षांच्या मुलीचे अवयवदान

केरळमधील ब्रेनडेड घोषित केलेल्या तीन वर्षांच्या मुलीचे अवयवदान करण्यात आले असून, ती देशातील सर्वांत लहान वयाची डोनर ठरली आहे.

तिरुवअनंतपूरम : केरळमधील ब्रेनडेड घोषित केलेल्या तीन वर्षांच्या मुलीचे अवयवदान करण्यात आले असून, ती देशातील सर्वांत लहान वयाची डोनर ठरली आहे. तिचे यकृत, मूत्रपिंड व कॉर्निआ हे अवयव डॉक्टरांनी काढले. तीन वर्षांची ही मुलगी शुक्रवारी घरासमोर खेळत असताना बेशुद्ध पडली व तिला त्वरित रुग्णालयात हलविण्यात आले; पण तिची स्थिती बिघडतच गेली व शनिवारी डॉक्टरांनी तिचा मेंदू मृत झाल्याचे घोषित केले. त्यानंतर तिच्या नातेवाईकांनी तिचे अवयव दान करण्याची इच्छा व्यक्त केली. त्यानंतर डॉक्टरांनी रविवारी (आज) सकाळी तिचे यकृत, मूत्रपिंड व डोळ्यातील कॉर्निआ काढले. तिचे यकृत व मूत्रपिंड पाच वर्षांच्या मुलाला बसविण्यात आल्याचे अधिकाऱ्यांनी सांगितले.