तेलंगणा राज्यातील निजामाबाद जिल्ह्यातून एक धक्कादायक घटना समोर आली. बोधन परिसरातील विजेता ज्युनियर कॉलेजमध्ये इंटरमिजिएटच्या पहिल्या वर्षात शिकणारा विद्यार्थी अचानक बेपत्ता झाल्याने वसितिगृहात खळबळ माजली आहे. पोलिसांना त्याच्या खोलीत चिठ्ठी सापडली आहे, ज्यामुळे त्याच्या बेपत्ता होण्याचे कारण स्पष्ट झाले आहे. अर्जुन असे बेपत्ता झालेल्या विद्यार्थ्याचे नावे आहे.
अर्जुनला बेपत्ता झाल्यानंतर कुटुंबाने तात्काळ बोधन पोलिसांशी संपर्क साधला. पोलिसांनी या घटनेचे गांभीर्य लक्षात घेऊन तात्काळ गुन्हा दाखल केला आहे आणि विद्यार्थ्याचा शोध सुरू केला आहे. कॉलेजच्या अभ्यासाचा ताण आणि कॉलेज न आवडणे यातूनच त्याने हे पाऊल उचलल्याचे प्राथमिक तपासात दिसत आहे. पोलिसांना सापडलेल्या चिठ्ठीमध्ये असे लिहिले आहे की, "मला हे कॉलेज अजिबात आवडत नाही. मी जात आहे. मला शोधू नका." या चिठ्ठीमुळे अर्जुनचे कुटुंब आणि मित्रांमध्ये चिंता निर्माण झाली.
अर्जुनचा अद्याप कोणताही पत्ता लागलेला नाही. पोलिसांनी आजूबाजूच्या परिसरात व्यापक शोध मोहीम सुरू केली आहे. अर्जुनचा शेवटचा ठावठिकाणा शोधण्यासाठी वसतिगृह आणि महाविद्यालयातील सीसीटीव्ही फुटेज तपासले जात आहेत. पोलिसांनी अर्जुनबद्दल कोणतीही माहिती असल्यास तात्काळ पोलिसांना कळवावे, असे आवाहन जनतेला केले आहे.
Web Summary : A student in Telangana disappeared from his hostel, leaving a note stating his dislike for the college and asking not to be found. Police are investigating the case, searching the area and reviewing CCTV footage.
Web Summary : तेलंगाना में एक छात्र अपने हॉस्टल से गायब हो गया, उसने एक नोट छोड़ा जिसमें कॉलेज के प्रति नापसंदगी जताई और कहा कि उसे ढूंढा न जाए। पुलिस मामले की जांच कर रही है, इलाके की तलाशी ले रही है और सीसीटीवी फुटेज की समीक्षा कर रही है।