अचानक प्रकाशामुळे विमानाला हिसका

खासगी विमान आता उतरणार इतक्यात अज्ञात व्यक्तीने प्रकाश चमकवल्यामुळे तळावर विमान उतरण्याआधी त्याला काही क्षण हिसका बसला.

चेन्नई : खासगी विमान आता उतरणार इतक्यात अज्ञात व्यक्तीने प्रकाश चमकवल्यामुळे तळावर विमान उतरण्याआधी त्याला काही क्षण हिसका बसला. सोमवारी रात्री अचानक पायलटच्या केबिनमध्ये प्रकाश चमकला. विमानाला बसलेल्या हिसक्यामुळे कोणीही प्रवासी जखमी झाला नाही. जेट एअरवेजच्या या विमानात १४८ प्रवासी होते. पायलटच्या जवळ बसलेले पल्लवारम यांनी हा प्रकाश चमकवला. पायलटने विमानतळ अधिकाऱ्यांकडे दिलेल्या तक्रारीनुसार पल्लवारम यांच्यावर पोलिसांकडे गुन्हा दाखल झाला असून चौकशीही सुरू झाली आहे. अशी घटना पुन्हा घडू नये यासाठी या प्रकरणात विमानतळ अधिकाऱ्यांनीही लक्ष घातले आहे. (वृत्तसंस्था)