ऑनलाइन लोकमत
बंगळुरु, दि. 27 - आपल्याच आई - वडिलांच्या खासगी क्षणांचा व्हिडीओ रेकॉर्ड करुन फेसबूक फ्रेंडला पाठवल्याची धक्कादायक घटना समोर आली आहे. हा मुलगा अल्पवयीन असून फक्त 13 वर्षांचा आहे. मुलाच्या आई - वडिलांनी त्याच्या फेसबूक फ्रेंडला पकडण्यासाठी सायबर क्राईम पोलिसांकडे धाव घेतली आहे. त्याच्या मित्राने फेसबूकवर धमकी देत आणि ब्लॅकमेल करत आपल्या मुलाला व्हिडीओ रेकॉर्ड करायला लावला असल्याची तक्रार दांपत्याने केली आहे.
मुलाच्या वडिलांनी सांगितलं आहे की, "जून 2016 मध्ये आमच्या मुलाने फेसबूवर तेजल पटेल नावाच्या एका मुलाशी मैत्री केली. तो अश्लिल भाषेत त्याच्याशी चॅट करत असे. एप्रिल 2017 पर्यंत हे चालू होतं. तेजल अश्लिल व्हिडीओ, फोटो तसंच चाईल्ड पॉर्नसंबंधी माहिती आमच्या मुलाला पाठवत होता. त्याला कुठूनतरी आमच्या मुलाचा न्यूड फोटो सापडला होता".
"शाळेच्या सुट्ट्यांमध्ये हा मुलगा फेसबूकवर जास्त वेळ घालवू लागला. तेजलने त्याच्याकडून फोन नंबर घेतला आणि फोन करु लागला. तेजलने त्यांच्या मुलाल चाईल्ड पॉर्न पाहण्यासाठी उकसवलं. यानंतर त्याने त्याच्या कुटुंबियांची चौकशी केला आणि त्यांचे न्यूड फोटो पाठवायला सांगितलं", अशी माहिती पोलिसांनी दिली आहे.
पोलिसांनी सांगितलं की, "सुरुवातीला तर मुलाने न्यूड फोटो पाठवण्यास नकार दिला. पण तरीही तेजल वारंवार त्याला फोटो पाठवण्याचा आग्रह करु लागला. यानंतर त्याने न्यूड फोटो सोशल मीडियावर अपलोड करण्याची धमकी दिली. धमकीमुळे तो घाबरला. त्याने आपल्या आईचा अर्धनग्न फोटो त्याला पाठवला. यानंतर तेजलने त्याच्या आई - वडिलांच्या खासगी क्षणांचा व्हिडीओ रेकॉर्ड करुन पाठवायला सांगितलं. मुलाने व्हिडीओ रेकॉर्ड करुन त्याला पाठवला".
तेजलने व्हिडीओ मिळाल्यानंतर त्याच्या आई - वडिलांचा नंबर घेतला, आणि फोन करुन खंडणी मागू लागला. फोटो आणि व्हिडीओ पाहिल्यानंतर मुलाच्या वडिलांना धक्काच बसला. आपल्या मुलाने हे फोटो आणि व्हिडीओ पाठवल्याचं पाहून ते हैराण झाले. तेजलने त्यांच्याकडे एक कोटींची खंडणी मागितली आहे. रक्कम मिळाली नाही तर व्हिडीओ पॉर्न साईटवर अपलोड करण्याची धमकी त्याने दिली आहे.
यानंतर मुलाच्या वडिलांनी पोलिसांकडे धाव घेतली. पोलिसांनी तेजलचं अकाऊंट तपासलं तर त्याने बंद केल्याचं लक्षात आलं. पोलीस तपास करत आहेत.