BJP Bhulai Bhai: भारतीय जनता पक्षाचे ज्येष्ठ कार्यकर्ते श्री नारायण उर्फ भुलाई भाई यांचे आज वृद्धापकाळाने निधन झाले. कप्तानगंज येथे सायंकाळी 6 वाजता वयाच्या 111 व्या वर्षी त्यांनी अखेरचा श्वास घेतला. कोव्हिड काळात भुलाई भाईंना पंतप्रधान नरेंद्र मोदी यांनी स्वतः फोन करुन त्यांच्या तब्येतीची चौकशी केली होती, त्यावेळी ते प्रसिद्धीच्या झोतात आले होते. भुलाई भाई जनसंघाच्या तिकिटावर आमदार झाले होते. दरम्यान, सोमवारी त्यांची प्रकृती खालावली, तेव्हापासून ते पगार छपरा येथील त्यांच्या घरी ऑक्सिजनवर होते.
कोण होते भुलाई भाई?श्री नारायण उर्फ भुलाई भाई हे भारतीय जनता पक्षाचे सर्वात ज्येष्ठ कार्यकर्ते होते. भुलाई भाई दीनदयाल उपाध्याय यांच्या प्रेरणेने राजकारणात आले आणि 1974 पासून कुशीनगरच्या नौरंगिया मतदारसंघातून सलग दोनदा जनसंघाचे आमदार झाले. जनसंघ पुढे भाजप झाल्यानंतरही ते पक्षाचे सक्रीय कार्यकर्ते होते. 2022 मध्ये उत्तर प्रदेशमध्ये योगी आदित्यनाथ यांचे सरकार पुन्हा सत्तेवर आल्यानंतर भुलई भाई शपथविधी समारंभात विशेष पाहुणे म्हणून लखनौला पोहोचले होते. लखनौ येथील कामगार परिषदेत अमित शाह यांनी मंचावरुन खाली उतरुन भुलई भाईंचा गौरव केला होता.
भगवा गमछा भुलाई भाईंची ओळखभारतीय जनसंघाची स्थापना झाली तेव्हा श्री नारायण उर्फ भुलाई भाई एम.ए.चे विद्यार्थी होते. त्यावेळी दीनदयाळ उपाध्याय यांच्या प्रभावाने त्यांनी तत्त्वांच्या मार्गावर चालण्यास सुरुवात केली तेव्हा ते या तत्त्वांना नेहमीच चिकटून राहिले. एम.ए.नंतर त्यांनी एम.एड करुन शिक्षणाधिकारी झाले, पण 1974 मध्ये त्यांनी नोकरी सोडली आणि राजकारणात येऊन देश आणि समाजासाठी काहीतरी करण्याचे ठरवले. त्याच वर्षी भारतीय जनसंघाने त्यांना उमेदवार केले आणि भुलाई भाई आमदार झाले. भगवा गमछा हीच भुलाईभाईंची ओळख होती.