Anand Mahindra : महिंद्रा अँड महिंद्रा समूहाचे (Mahindra and Mahindra Group) प्रमुख आनंद महिंद्रा (Anand Mahindra) यांनी ट्विटरवर ७३व्या प्रजासत्ताक दिनाच्या परेडमध्ये सहभागी झालेल्या एका चित्ररथाचा फोटो शेअर केलाय. त्यांच्या आवडीच्या चित्ररथाच्या फोटोसह त्यांनी सुंदर पोस्टसह शेअर केली आणि सरकारच्या कामाची प्रशंसाही केली.
प्रजासत्ताक दिनानिमित्त, आनंद महिंद्रा यांनी ट्वीट केलं आणि लोकांना त्यांच्या आवडत्या चित्ररथाबद्दल विचारलं. "आम्ही लहानपणी २६ जानेवारीची परेड पाहायचो, तेव्हा आम्ही सर्वोत्कृष्ट चित्ररथासाठी आपापसात मतदान करायचो. या वर्षी तुम्ही कोणाला मतदान करता हे जाणून घेण्याची मला उत्सुकता आहे. माझ्या आवडीचा चित्ररथ नुकताचं गेला असं वाटतं," असं महिंद्रा यांनी नमूद केलं होतं.
पंतप्रधान नरेंद्र मोदी यांनी २०१९ मध्ये स्वातंत्र्यदिनाच्या भाषणादरम्यान, जल जीवन मिशन सुरू करण्याची घोषणा केली होती. २०२४ पर्यंत गावागावांमध्ये प्रत्येक घरात नळाद्वारे पिण्याच्या पाण्याचा पुरवठा करणं हे या मागील उद्देश होतं.