मथुरा: भारताच्या राष्ट्रपती द्रौपदी मुर्मूउत्तर प्रदेश दौऱ्यावर असून, त्यांनी आज वृंदावनमध्ये प्रसिद्ध संत प्रेमानंद महाराज यांची भेट घेतली. या भेटीदरम्यान राष्ट्रपती मुर्मू आणि प्रेमानंद महाराज यांच्यात अध्यात्म, समाजसेवा आणि जनकल्याण अशा विविध विषयांवर सखोल चर्चा झाली.
महाराजांना दिल्या वाढदिवसाच्या शुभेच्छा
या आठवड्यात प्रेमानंद महाराजांचा वाढदिवस असल्याने ही भेट विशेष ठरली. राष्ट्रपतींनी आश्रमात महाराजांचे प्रवचन ऐकले आणि त्यांना नम्रतापूर्वक वंदन केले. यावेळी राष्ट्रपती मुर्मू यांनी त्यांना वाढदिवसाच्या शुभेच्छाही दिल्या.
मंदिरात पूजा-अर्चना, विविध कार्यक्रमांत सहभाग
मथुरा दौऱ्यात राष्ट्रपतींनी विविध मंदिरांमध्ये पूजा-अर्चना केली, तसेच अनेक आध्यात्मिक कार्यक्रमांमध्ये सहभाग घेतला. शुक्रवारी सकाळी त्यांनी आपल्या दिवसाची सुरुवात धार्मिक कार्यक्रमांनी केली.
अयोध्या येथे राम मंदिरात दर्शन
यापूर्वी गुरुवारी राष्ट्रपती मुर्मू यांनी अयोध्येला भेट देत श्रीराम मंदिरात दर्शन घेतले. या भेटीदरम्यान त्यांनी विशेष धार्मिक विधींमध्ये सहभाग घेतला आणि रामलल्लांचे आशीर्वाद घेतले. राष्ट्रपतींनी देशातील नागरिकांच्या सुख-समृद्धीसाठी प्रार्थनाही केली.
Web Summary : President Murmu visited Premanand Maharaj in Vrindavan, discussing spirituality, social service, and public welfare. She conveyed birthday wishes and attended religious events, including visiting the Ram temple in Ayodhya, praying for the nation's prosperity.
Web Summary : राष्ट्रपति मुर्मू ने वृंदावन में प्रेमानंद महाराज से मुलाकात की, अध्यात्म, समाज सेवा पर चर्चा की। उन्होंने अयोध्या में राम मंदिर का दौरा किया और देश की समृद्धि के लिए प्रार्थना की।