Uttar Pradesh Assembly Election: शिष्य देणार योगी आदित्यनाथ यांना आव्हान?; उत्तर प्रदेशच्या राजकारणात रंगत

गोरखपूर शहरातील विद्यमान भाजप आमदार राधा मोहन अग्रवाल हे मुख्यमंत्री योगी आदित्यनाथ यांचे शिष्य आहेत. पण, जर गुरुच शिष्याच्या जागेवर नजर ठेवत असेल तर शिष्य काय करणार? आदित्यनाथ यांनी पहिल्या वेळी अग्रवाल यांना हिंदू महासभेचे उमेदवार म्हणून भाजपच्या अधिकृत उमेदवाराविरुद्ध २००२ मध्ये निवडणुकीच्या रिंगणात उतरविले होते आणि ते विजयीही झाले. त्यानंतर अग्रवाल हे भाजपमध्ये दाखल झाले आणि निवडणूक लढवित राहिले व जिंकत राहिले. मात्र, यंदा ते समाजवादी पार्टीकडून लढणार असल्याची चर्चा आहे.