बिहारच्या बांकामध्ये अजब प्रेमाची गजब गोष्ट समोर आली आहे. प्रेमात पडलेल्या दोघांनी घरातून पळून जाऊन लग्न केलं. या लग्नामुळे कुटुंबीय प्रचंड संतापले आहेत. कारण लग्न करणारे दोघं नात्याने एकमेकांचे आत्या-भाचा लागतात. आत्या भाच्याच्या प्रेमात वेडी झाल्यानंतर ही घटना घडली आहे. मिळालेल्या माहितीनुसार, दोघेही बांका येथून पळून कोलकाता येथे गेले होते.
प्रेमी युगुलाने घरातून पळून जाऊन कोलकात्याच्या कालीघाट येथे लग्न केल्याचं समोर आलं आहे. या दोघांमध्ये गेल्या चार वर्षांपासून प्रेमसंबंध सुरू असल्याचे स्थानिकांनी सांगितले. घरातील सदस्य लग्नासाठी तयार न झाल्याने दोघेही घरातून पळून गेले. या दोघांच्या लग्नाचे फोटो सोशल मीडियावर जोरदार व्हायरल होत आहेत. परिसरात या घटनेची देखील खूप चर्चा रंगली आहे.
लग्नाचा फोटो व्हायरल झाल्याने कुटुंबीयांमध्ये प्रचंड नाराजी पाहायला मिळत आहे. त्याचवेळी घरातून पळून जाऊन लग्न करणारे हे दोघं नातेवाईक असल्याने कुटुंब या लग्नावर खूश नसल्याचं ग्रामस्थांनी सांगितलं आहे. मक्कू यादव (27) याचे लग्न दुवराज यादव यांची 17 वर्षीय मुलगी सोनिया हिच्याशी झाले आहे.
दोघांमधील प्रेमसंबंध उघडकीस आल्यानंतर कुटुंबीयांनी परस्पर सामंजस्याने दोघांना वेगळे करण्याचा प्रयत्न केला. पण त्यांना ते मान्य नव्हते. गावकऱ्यांच्या म्हणण्यानुसार, मक्कू यादव हा कोलकात्यात ड्रायव्हर म्हणून काम करायचा. मुलगी घरातून पळून कोलकात्याला गेली. त्यानंतर लग्न केलं. तर दुसरीकडे गावकऱ्यांनीही या संबंधावर नाराजी व्यक्त करत अशा कृत्याने समाजात चुकीचा संदेश जात असल्याचे सांगितले. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"