नवी दिल्ली : सीआरपीएफ, बीएसएफ आणि दिल्ली पोलिसांसारख्या केंद्रीय पोलीस दलांमध्ये 1,14,245 पदे रिक्त आहेत, असे केंद्रीय मंत्री अजय कुमार मिश्रा यांनी बुधवारी राज्यसभेत सांगितले. तसेच, 2023 मध्ये जवळपास 31,879 पदांसाठी जाहिराती प्रसिद्ध करण्यात आल्या असून त्यापैकी 1,126 पदे भरण्यात आली आहेत, असेही केंद्रीय मंत्री अजय कुमार मिश्रा यांनी सांगितले.
गृह मंत्रालय आणि त्याच्या संघटना, ज्यामध्ये केंद्रीय सशस्त्र पोलीस दल जसे की सीमा सुरक्षा दल, सशस्त्र सीमा बल, केंद्रीय राखीव पोलीस दल, इंडो-तिबेट सीमा पोलीस दल, आसाम रायफल्स आणि केंद्रीय औद्योगिक सुरक्षा दल आणि केंद्रीय पोलीस दलाचा यांचा समावेश आहे. केंद्रीय मंत्री अजय कुमार मिश्रा यांनी लेखी उत्तरात सांगितले की, दिल्ली पोलिसांसह, सध्या जवळपास 1,14,245 पदे रिक्त आहेत.
रिक्त पदांपैकी 3,075 ग्रुप 'ए', 15,861 ग्रुप 'बी' आणि 95,309 ग्रुप 'सी' मध्ये आहेत. त्यापैकी 16,356 पदे अनुसूचित जातीसाठी, 8,759 अनुसूचित जमातीसाठी, 21,974 इतर मागासवर्गीयांसाठी, 7,394 आर्थिकदृष्ट्या दुर्बल घटकासाठी आणि 59,762 पदे सर्वसाधारण प्रवर्गासाठी आहेत.
केंद्रीय मंत्री अजय कुमार मिश्रा म्हणाले की, रिक्त पदांची भरती ही एक निरंतर प्रक्रिया आहे आणि जेव्हा आणि जेव्हा रिक्त पदे असतात. तेव्हा पदे भरण्यासाठी जाहिराती प्रसिद्ध केल्या जातात. भरती प्रक्रिया पूर्ण झाल्यानंतर नियुक्ती पत्र दिले जाते. रिक्त पदे भरली जावीत यासाठी मंत्रालय नियमितपणे भरतीच्या प्रगतीचा आढावा घेते. ही पदे कालबद्ध पद्धतीने भरली जातात.