नवी दिल्ली - कालकाजी येथील भूमिहीन कॅम्प तोडण्यास विरोध दर्शविणाऱ्या आप नेत्या आतिशी मर्लोना यांना पोलिसांनी अटक केली आहे. आम आदमी पक्षाने या कारवाईची कडक शब्दात निंदा केली आहे.
दिल्ली विधानसभेतील विरोधी पक्षनेत्या आतिशी मर्लोना यांना पोलिसांनी अटक केल्यानंतर दिल्लीतील राजकीय वातावरण तापले आहे. दिल्लीच्या मुख्यमंत्री रेखा गुप्ता आणि भाजपला गरिबांचा श्राप लागेल अशा शब्दात आतिशी यांनी सुनावले आहे. आप भाजपच्या हुकूमशाही आणि बुलडोझर कारवाईला घाबरत नसून कुशासनच्या विरोधात आवाज उठवत राहिल. आपला भाजप किंवा पोलिसांची भीती वाटत नाही, असेही त्या म्हणाल्या.
कालकाजी भागातील भूमिहीन कॅम्पमधील झोपडपट्ट्या उद्या पाडल्या जाणार आहेत. दिल्ली विकास प्राधिकरणाने कालकाजी विस्तारातील भूमिहीन छावणीतील सर्व रहिवाशांना नोटीस बजावून जागा रिकामी करण्यास सांगितले आहे. या ठिकाणी पोलिसांचा कडक बंदोबस्त लावण्यात आला आहे. अशात या कारवाईला विरोध करण्यासाठी आलेल्या आतिशी यांना पोलिसांनी अटक केली.