लखनऊ- एखाद्या सिनेमाच्या कथेला शोभेल अशी घटना लखनऊमध्ये घडली आहे. लखनऊमध्ये एका व्यक्तीने एक दोन नव्हे, तर तब्बल 9 लग्न केले आहेत. या व्यक्तीच्या सातव्या पत्नीने केलेल्या तक्रारीनंतर या भामट्याला अटक करण्यात आली. पण भामट्याला अटक केल्यानंतर झालेल्या चौकशीत फक्त तीनचं लग्न झाल्याची कबूली त्याने दिली.
समीर अहमद खान असं या भामट्याचं नाव आहे. मॅट्रिमॉनिअल वेबसाइटवर विवाह इच्छुक स्थळांच्या यादीत समीरने नाव दिलं. त्याची नऊ लग्नं झाली आहेत. समीरच्या सातव्या बायकोने केलेल्या तक्रारीनंतर हा सगळा प्रकार समोर आला आहे. अफशा असं तक्रार करणाऱ्या समीरच्या सातव्या पत्नीचं नाव आहे. समीरने एकदा मस्तीमध्ये तिला 'सातवी पत्नी' असा आवाज दिला. त्यामुळे तिला संशय आला.काही दिवसांनी समीरची इतरही लग्न झाली असल्याचं तिच्या लक्षात आलं.
समीर खानने मॅट्रोमॉनिअल वेबसाइटवर विवाह इच्छुक असल्याची जाहिरात दिली. तेथे एक महिलेशी त्याची ओळखही झाली. तसंच या दोघांचा साखरपुडाही झाला. समीरच्या सातव्या बायकोच्या भावाने समीरला लखनऊमध्ये राहण्याची विनंती केली होती. समीरला नेहा नावाच्या मुलीचा फोन यायचा. त्याच्या फोनला हात न लावण्याची तंबी त्याने दिली होती, पण एकदा मी त्याला फोन तपासून त्या नंबरवर फोन केला. तेव्हा तिला समीरच्या नवव्या पत्नीबद्दल समजलं. समीर माझी गाडी घेऊन बाहेर जायचा. तसंच पैसे ही घ्यायचा. काही दिवसांनी मला यास्मिन नावाच्या महिलेची फ्रेण्ड रिक्वेस्ट आली होती. तिलाही नेहाबद्दल समजलं होतं, असं अफशाने सांगितलं.अफशा व यास्मीनने मंगळवारी (ता. 1 मे) पोलिसांना याबद्दल कळवलं..
दरम्यान, ठाकूरगंज पोलीस आता यासंदर्भात समीरची कसून चौकशी करत आहेत. सुरुवातीला समीरने आपली तीन लग्नं झाली असल्याची कबुली दिली. पण नंतर नऊ लग्न केल्याचं त्याने मान्य केलं.