नवी दिल्ली : डिसेंबर, २०१२मधील दिल्लीत ‘निर्भया’ बलात्कार व खून खटल्यात मृत्युदंड झालेल्या चारही खुन्यांच्या येत्या ३ मार्च रोजी ठरलेली फाशी स्थगित केली जावी, यासाठी एक नवा अर्ज शनिवारी सत्र न्यायालयात दाखल केला गेला.अक्षय सिंग व पवन कुमार या दोघांनी केलेल्या या अर्जावर अतिरिक्त सत्र न्यायाधीश धमेंद्र राणा यांनी तिहार कारागृह प्रशासनास नोटीस काढून सुनावणी सोमवारी २ मार्च रोजी ठेवली. अक्षयने राष्ट्रपतींकडे दयेचा अर्ज व पवन कुमारने सर्वोच्च न्यायालयात ‘क्युरेटिव याचिका’ केली असल्याने, त्यांचा निकाल होईपर्यंत ‘डेथ वॉरन्ट’ची अंमलबजावणी केली जाऊ नये, यासाठी हा नवा अर्ज करण्यातआला आहे.दरम्यान, फाशी देण्यास टाळाटाळ करून या खुन्यांना शारीरिक व मानसिक यातना देण्यात आल्या, त्यामुळे मानवाधिकार आयोगासयाची स्वतंत्रपणे चौकशी करण्यास सांगावी, अशी आणखी एक याचिका दिल्ली उच्च न्यायालयात दाखल झाली आहे.
‘निर्भया’च्या खुन्याचा फाशीविरुद्ध नवा अर्ज
By लोकमत न्यूज नेटवर्क | Updated: March 1, 2020 04:03 IST