ब्रह्मपुत्रा नदीवरील सर्वात लांब पूलाचे २६ मे रोजी उद्घाटन

भारतातील नदीवरील सर्वात लांब पुलाचे उद्घाटन पंतप्रधान नरेंद्र मोदी यांच्या हस्ते २६ मे रोजी होणार आहे.

दिब्रुगढ : भारतातील नदीवरील सर्वात लांब पुलाचे उद्घाटन पंतप्रधान नरेंद्र मोदी यांच्या हस्ते २६ मे रोजी होणार आहे. आसामच्या दिब्रुगढ जिल्ह्यात ढोला व सादियादरम्यान ब्रह्मपुत्रा नदीवर बांधलेला हा पूल ९.१५ कि.मी. लांबीचा असून, त्यासाठी ९५० कोटी रुपये खर्च आला आहे. याच दिवशी मोदी सरकारलाही तीन वर्षे पूर्ण होत आहेत, हे विशेष. भारत-चीन सीमेवर होत असलेला हा पूल म्हणजे भारताच्या संरक्षणविषयक पायाभूत सुविधांत सुधारणांच्या दृष्टीनेही याकडे पाहिले जात आहे. मुंबईतील वांद्रे-वरळी सी-लिंकहून हा पूल तिप्पट लांबीचा आहे.