Jammu Kashmir Local Terrorists List: पहलगाम हल्ल्यात दहशतवाद्यांकडून २६ जणांची निर्घृणपणे हत्या करण्यात आली आहे. २२ एप्रिल रोजी झालेल्या या नरसंहारात हिंदू पर्यटकांना लक्ष्य करण्यात आले. या हल्ल्यानंतर भारताने कठोर पावले उचण्यास सुरुवाती केली आहे. जम्मू काश्मीरमध्ये दहशतवाद्यांना मदत करणाऱ्या आणि अतिरेक्यांवर ठोस कारावाई करण्यात आलीय. या अतिरेक्यांची घरे बॉम्बने उद्धवस्त करण्यात आली आहे. त्यानंतर आता जम्मू काश्मीरमध्ये असलेल्या दशतवाद्यांची यादी तयार करण्यात आली असून त्यांच्यावर कारवाई करण्यात येणार आहे.
२२ एप्रिल रोजी पहलगाम येथे झालेल्या दहशतवादी हल्ल्यानंतर संपूर्ण देशात संतापाची लाट उसळली आहे. या हल्ल्यात सहभागी असलेल्या दहशतवाद्यांचा शोध घेण्याचे काम लष्कराकडून केले जात आहे. त्यानंतर आता काश्मीर खोऱ्यात उपस्थित असलेल्या स्थानिक दहशतवाद्यांची यादी जाहीर करण्यात आली आहे. यामुळे खोऱ्यात असलेल्या दहशतवाद्यांवर लवकरच कारवाई करण्याची शक्यता आहे. या यादीनुसार, काश्मीरमध्ये एकूण १४ स्थानिक दहशतवादी सक्रिय आहेत.
पहलगाम हल्ल्यानंतर सुरक्षा दल दहशतवाद्यांवर एकामागून एक मोठी कारवाई करत आहेत. पहलगाम हल्ल्यात सहभागी असलेल्या दहशतवाद्यांची घरे जमीनदोस्त केली जात आहेत. शनिवारी पुलवामा आणि कुलगाममधील दहशतवाद्यांची घरेही आयईडी स्फोटांनी उद्ध्वस्त करण्यात आली. इंडिया टुडेच्या वृत्तानुसार सुरक्षा यंत्रणांच्या रडारवर १४ दहशतवादी आहेत, ज्यांच्या नावांची यादी समोर आली आहे. सोपोरमध्ये लष्करचा एक स्थानिक दहशतवादी सक्रिय आहे. तर अवंतीपुरामध्ये जैशचा एक दहशतवादी आहे. पुलवामामध्ये लष्कर आणि जैशचे प्रत्येकी दोन स्थानिक दहशतवादी आहेत. शोपियानमध्ये एक हिजबुल आणि चार लष्कर दहशतवादी आहेत. तर अनंतनागमध्ये हिजबुलचे दोन स्थानिक दहशतवादी सक्रिय आहेत.
यादीत कुणाची नावे?
१. आदिल रहमान डेंटू हा लष्कर-ए-तोयबाचा सोपोर कमांडर आहे. तो २०२१ पासून दहशतवादी कारवायांमध्ये सहभागी आहे. पहलगाम हल्ल्यानंतर, आता एकतर त्याला मारले जाईल किंवा त्याचे घर जमीनदोस्त केले जाईल.
२. जैश-ए-मोहम्मद (जेईएम) चा दहशतवादी आसिफ अहमद शेख हा अवंतीपुराचा जिल्हा कमांडर देखील आहे. २०२२ पासून तो सतत दहशतवादी कारवायांमध्ये सहभागी आहे.
३. एहसान अहमद शेख हा पुलवामामध्ये सक्रिय असून तो लष्कर-ए-तोयबाचा दहशतवादी आहे. २०२३ पासून तो सतत दहशतवादी कारवायांमध्ये सहभागी आहे.
४. हरीश नझीर हा देखील पुलवामा येथील दहशतवादी असून तोसुद्धा लष्कर-ए-तोयबाचा सक्रिय दहशतवादी आहे. गेल्या अनेक महिन्यांपासून तो सुरक्षा दलांच्या रडारवर आहे.
५. पुलवामामध्ये सक्रिय असलेला आमिर नझीर वाणी हा जैश-ए-मोहम्मदशी संबंधित आहे.
६. जैश-ए-मोहम्मदचा दहशतवादी यावर अहमद भट्ट पुलवामामध्ये सक्रिय आहे.
७. आसिफ अहमद कंडे हा शोपियां येथील असून जुलै २०१५ मध्ये तो हिजबुल मुजाहिदीन या दहशतवादी संघटनेत सामील झाला. सध्या तो पाकिस्तानी दहशतवाद्यांना मदत करण्याचे काम करतो.
८. नसीर अहमद वाणी हा शोपियानमधील कारवायांमध्ये सतत सहभागी होता. तो लष्कर-ए-तोयबाचा सक्रिय सदस्य आहे आणि पाकिस्तानी दहशतवाद्यांना मदत करतो.
९. शाहिद अहमद कुटे हा सुद्धा शोपियानमध्येही सक्रिय असून तो लष्कर आणि टीआरएफचा दहशतवादी आहे. २०२३ पासून ते या भागात सक्रिय आहे.
१०. आमिर अहमद दार हा स्थानिक दहशतवादी आहे. तो २०२३ पासून शोपियानमध्ये सक्रिय आहे. लष्कर-ए-तोयबा आणि टीआरएफ यांच्या सहकार्याने काम करत आहे.
११. अदनान सफी दार हा शोपियानमध्ये सक्रिय आहे. तो २०२४ मध्ये दहशतवादी संघटनेत सामील झाला. सध्या तो लष्कर-ए-तोयबा आणि टीआरएफसोबत काम करत आहे.
१२. जुबैर अहमद वाणी हा अनंतनागमधील हिजबुल मुजाहिदीनचा ऑपरेशनल कमांडर आहे. तो एक सक्रिय दहशतवादी आहे. तो दहशतवाद्यांचा मदतनीस म्हणून काम करतो आणि तो २०१८ पासून सक्रिय आहे.
१३. हारून रशीद गनी हा अनंतनाग येथील हिजबुल मुजाहिदीनचा सक्रिय दहशतवादी आहे. काही वर्षांपूर्वी तो पाकव्याप्त काश्मीरमध्येही गेला होता, तिथून त्याने प्रशिक्षण घेतले. सुरक्षा दल सध्या त्याचा शोध घेत आहे.
१४. झुबेर अहमद गनी हा कुलगाममधल मोठा दहशतवादी आहे. लष्कर-ए-तोयबामध्ये सामील होऊन तो सतत सुरक्षा दलांवर हल्ल्यांमध्ये सहभागी असतो.