मुंबई - केरळमध्ये आलेल्या महापुरात आजपर्यंत तीनशेच्या वर बळी गेले असून हजारो कोटींचे नुकसान झाले आहे. तसेच अडीच लाखांवर नागरिक बेघर झाले आहेत. राज्यातील १४ जिल्ह्यांत रेड अलर्ट जाहीर करण्यात आला आहे. सैन्याचे मोठ्या प्रमाणात बचावकार्य सुरू आहे. भारतीय क्रिकेट संघाचा कर्णधार विराट कोहली, फुटबॉल संघाचा कर्णधार सुनील छेत्री यांच्यासह क्रीडा विश्वातील अनेकांनी केरळ वासियांच्या सुखरूपतेसाठी प्रार्थना केली आहे.
"केरळमधील प्रत्येकाने सुरक्षिततेची काळजी घ्यावी. शक्य असेल तर घरातच रहावे. लवकरच ही परिस्थिती सुधारेल अशी आशा करतो. या परिस्थितीत मदतकार्य करणाऱ्या भारतीय जवानांचे आभार," असे विराटने ट्विट केले आहे.