जोड - नववर्षोत्सवातील संगीताचा दणदणाट थांबवा

चौकट.....

या कायद्यांतर्गत होऊ शकते कारवाई
मंुबई पोलीस कायदा-१९५१ मधील कलम ३३ (एन) अनुसार सार्वजनिक ठिकाणी शांतता भंग करणाऱ्यांवर फौजदारी कारवाई होऊ शकते. पर्यावरण संरक्षण कायदा-१९८६ मधील कलम १५ अनुसार ध्वनिप्रदूषण करणाऱ्यांवर गुन्हे नोंदवून संगीत साहित्य जप्त करता येतात. याअंतर्गत आरोपीला पाच वर्षांपर्यंत कारावास व एक लाख रुपयांपर्यंत दंड होऊ शकतो. ध्वनिप्रदूषण नियंत्रण नियम-२००० मधील कलम ५ अनुसार सार्वजनिक ठिकाणी ध्वनिक्षेपक व ध्वनिप्रदूषणासाठी कारणीभूत साहित्यांवर बंधने आणली जाऊ शकतात. कलम ५ (अ) अंतर्गत निवासी व शांतता क्षेत्रामध्ये हॉर्न व फटाके वाजविण्यास बंधने आहेत. कलम ६ अनुसार नियम भंग करणाऱ्यावर दंडात्मक कारवाई होऊ शकते. कलम ७ अनुसार शांतता व निवासी क्षेत्रात मर्यादेपेक्षा जास्त आवाज होत असल्यास कोणीही व्यक्ती जिल्हा दंडाधिकारी, पोलीस आयुक्त किंवा पोलीस उपअधीक्षक दर्जाच्या अधिकाऱ्यांकडे तक्रार दाखल करू शकतात. कलम ८ अनुसार वारंवार होणारे ध्वनिप्रदूषण थांबविण्याचे अधिकार पोलिसांना आहेत. आरोपींविरुद्ध भादंविच्या कलम २६८ (शांतता भंग करणे), २७८ (आरोग्यास हानिकारक वातावरण निर्माण करणे), कलम २८६ (ज्वालाग्राही पदार्थांसोबत हलगर्जीने वर्तन), २९४ (अश्लील कृत्य व गाणी), कलम १८८ (सरकारी अधिकाऱ्यांच्या आदेशाचा भंग) व कलम १०७ (बेकायदेशीर कृत्यांना प्रोत्साहन) अन्वये गुन्हे नोंदविता येतात.