काश्मीरमध्ये दहशतवाद्यांकडून बस अडवण्याचा प्रयत्न, जवानांबरोबर चकमक सुरू

जम्मू-काश्मीरमधल्या बटोटमध्ये दहशतवादी अन् सुरक्षा जवानांमध्ये चकमक सुरू आहे.

श्रीनगरः जम्मू-काश्मीरमधल्या बटोटमध्ये दहशतवादी अन् सुरक्षा जवानांमध्ये चकमक सुरू आहे. संरक्षण मंत्रालयाच्या पीआरओंनी सांगितलं की, आज सकाळी 7.30 वाजता दोन संशयित व्यक्ती बटोटेजवळच्या NH 244वर एका बसला थांबवण्याचा प्रयत्न करत होते. परंतु वाहन चालकानं सतर्कता दाखवत गाडी थांबवली नाही. तसेच जवळच्याच एका लष्कराच्या चौकीला याची सूचना दिली. त्यानंतर क्यूआरटी टीमनं सर्च ऑपरेशन राबवलं, त्याच दरम्यान गोळीबार सुरू झाला असून, दहशतवादी आणि सुरक्षा जवानांमध्ये चकमक सुरू आहे.