बीएमसी निवडणुकीत मिळालेल्या विजयानंतर भाजप नेत्यांमध्ये प्रचंड उत्साह दिसून येत आहे. शनिवारी पश्चिम बंगालमधील मालदा दौऱ्यावर असलेले पंतप्रधान मोदी यांनी बीएमसीच्या विजयानंतर कार्यकर्त्यांना बंगालमधील विजयासाठी तयारी करण्यास सांगितले. बीएमसी निवडणुकीत तरुण पिढीच्या योगदानाचा उल्लेख करताना पंतप्रधान म्हणाले की, भारतातील लोक भाजपच्या विकास मॉडेलवर विश्वास ठेवतात. ज्याप्रमाणे बीएमसी निवडणुकीत भाजपला विक्रमी विजय मिळाला, त्याचप्रमाणे बंगालचे मतदार यावेळीही भाजपला निवडून देतील, असंही मोदी म्हणाले.
मालदा येथे एका सभेला संबोधित करताना पंतप्रधान मोदींनी सध्याच्या ममता बॅनर्जी सरकारवर टीका केली. त्यांनी बंगाली भाषेत "आय सरकार पलानो दोरकर" असे म्हटले.
पश्चिम बंगालमधील काही दिवसापूर्वी झालेल्या घडामोडींवरून ममता बॅनर्जी सरकारवर टीका करताना पंतप्रधान म्हणाले की, हे निर्दयी तृणमूल काँग्रेस सरकार सार्वजनिक निधीची लूट करत आहे. केंद्र सरकारच्या योजना बंगालच्या लोकांपर्यंत पोहोचण्यापासून रोखणारे राज्य सरकार आहे. तृणमूल काँग्रेसचा पराभव झाला आणि भाजप सत्तेत आला तरच बंगालचा विकास होऊ शकेल.
पश्चिम बंगालच्या सीमेला लागून असलेल्या राज्यांचा उल्लेख करताना पंतप्रधान म्हणाले की, ओडिशा, त्रिपुरा, आसाम आणि बिहारमध्येही भाजपची सरकारे आहेत. आता बंगालमध्ये भाजपचे सरकार सत्तेत आले पाहिजे. बंगालमध्ये पहिल्या वंदे भारत स्लीपर ट्रेनचे उद्घाटन केल्यानंतर पंतप्रधान म्हणाले, "पश्चिम बंगालचा जलद विकास हा भारतीय जनता पक्षाचा प्राधान्यक्रम आहे. देशातील पहिली वंदे भारत स्लीपर ट्रेन बंगालमधून सुरू होत आहे ही आनंदाची बाब आहे."
पंतप्रधानांनी केंद्र सरकारच्या कामांची यादी वाचली
पंतप्रधानांनी ममता बॅनर्जी सरकारवर केंद्र सरकारच्या योजनांचे फायदे पश्चिम बंगालच्या लोकांपर्यंत पोहोचण्यापासून रोखल्याचा आरोप केला. ते म्हणाले, "मी बंगालच्या विकासासाठी काम करत आहे. सरकारच्या योजना योग्य लाभार्थ्यांपर्यंत पोहोचाव्यात अशी माझी इच्छा आहे, पण तसे होत नाही. बंगालमधील तृणमूल काँग्रेस सरकार निर्दयी आहे. केंद्र सरकारने बंगालच्या विकासासाठी पाठवलेला पैसा तृणमूल काँग्रेसच्या सदस्यांकडून लुटला जातो. त्यांना लोकांच्या दुःखाची काहीच पर्वा नाही. ते स्वतःचे तिजोरी भरण्यात व्यस्त आहेत."
Web Summary : Riding high on the BMC victory, PM Modi urged BJP workers in West Bengal to prepare for victory. He criticized the Mamata Banerjee government for corruption and obstructing central schemes, promising development if BJP wins. Modi highlighted Bengal's first Vande Bharat train, emphasizing BJP's commitment to the state's progress.
Web Summary : बीएमसी की जीत से उत्साहित पीएम मोदी ने पश्चिम बंगाल में भाजपा कार्यकर्ताओं से जीत की तैयारी करने का आग्रह किया। उन्होंने ममता बनर्जी सरकार पर भ्रष्टाचार और केंद्रीय योजनाओं में बाधा डालने का आरोप लगाया और भाजपा की जीत पर विकास का वादा किया। मोदी ने बंगाल की पहली वंदे भारत ट्रेन पर प्रकाश डाला।