गादेगाव येथे बस पेटली गॅस कीट जळाल्याने घडली घटना : कोणतीही दुर्घटना नाही

उपरी : गॅस कीट जळाल्याने बस वळवित असताना अचानकपणे पंढरपूर - गादेगाव या बसने पेट घेतला. ही घटना गादेगाव (ता. पंढरपूर) येथे शुक्र वारी सायंकाळी सात वाजण्याच्या सुमारास घडली.
पंढरपूर आगाराची पंढरपूर - गादेगाव बस (6287) ही नादुरुस्त झाल्याने वळवित असताना गाडीने अचानकपणे पेट घेतला. मात्र ड्रायव्हरच्या सावधगिरीमुळे व ग्रामस्थांच्या मदतीने ही बस तत्काळ विझवण्यात आली. यानंतर आगार प्रमुखांसह पोलिसांनी घटनास्थळी भेट दिली. याबाबत रात्री उशिरापर्यंत पंढरपूर बस आगार व तालुका पोलीस ठाण्यात घटनेची नोंद करण्यात आली नव्हती. (वार्ताहर)