महत्वाचे / मुखेडमध्ये ५७ टक्के मतदान

मुखेडमध्ये ५७ टक्के मतदान
नांदेड : मुखेड विधानसभा मतदार संघाचे भाजपाचे आमदार गोविंद राठोड यांच्या निधनामुळे रिक्त झालेल्या जागेसाठी शुक्रवारी पोटनिवडणूक झाली़ दिवसभरात एकूण ५७ टक्के मतदान झाल्याचे निवडणूक विभागाने कळविले आहे.
मतदारसंघात संवेदनशील व अतिसंवेदनशील केंद्राच्या ठिकाणी चोख पोलिस बंदोबस्त ठेवण्यात आला होता़ कोणताही अनुचित प्रकार न घडता, मतदारांनी उत्स्फूर्तपणे व शांततेत मतदान प्रक्रियेत सहभाग घेतला़ पोटनिवडणुकीत भाजपाचे तुषार राठोड, काँग्रेसचे हणमंतराव पाटील बेटमोगरेकर, इंडियन युनियन मुस्लिम लीगचे अजिमोद्दीन हाफेजसहाब, भारिप बहुजन महासंघाचे विजय कांबळे व इतर उमेदवार- अनिल शिरसे, अफजल शेख, विजयमाला गायकवाड असे सात उमेदवार निवडणूक रिंगणात आहेत़ मतमोजणी १६ फेब्रुवारी रोजी मुखेड जिल्हा परिषद कन्या हायस्कुल येथे सकाळी ८ वाजेपासून सुरू होणार आहे़ (प्रतिनिधी)