संपूर्ण आयुष्य देशभरातील आदिवासींच्या हक्कांसाठी लढणा-या आणि त्यांच्या जगण्याला लेखनातून आवाज निर्माण करून देणा-या सामाजिक कार्यकर्त्या आणि ज्येष्ठ बंगाली लेखिका महाश्वेता देवी २८ जुलै रोजी निधन झाले
चेन्नई येथून पोर्ट ब्लेअरकडे जाण्यासाठी आकाशात झेपावलेले हवाई दलाचे एएन-३२ हे मालवाहू विमान बेपत्ता झाले विमानात काही अधिका-यांसह २९ जणांचा समावेश होता.
फ्रान्समधील ट्रकहल्ल्याची घटना ताजी असतानाचा २२ जुलै रोजी जर्मनीतील म्युनिक शहरात तीन हल्लेखोरांनी केलेल्या गोळीबारात अनेक जण ठार झाले.
पंधरा वर्षांच्या अलपवयीन मुलीवर अनन्वित अत्याचार करून तिचा निर्घृणपणे खून करण्यात आल्याची नृशंस घटना अहमदनगरमधील कोपर्डी येथे घडली. या घटनेमुळे राज्यात संतापाचे वातावरण असून ठिकठिकाणी निषेध व्यक्त करण्यात आला तसेच विधीमंडल अधिवेशनातही त्याचे पडसाद उमटले.
लोकनियुक्त सरकार उलथवून सत्ता काबीज करण्याचा लष्कराचा प्रयत्न तुर्कस्तान सरकारने हाणून पाडला. यावेळी झालेल्या धुमश्चक्रीत २६५ जण ठार झाले तर हजाराहून अधिक नागरिक जखमी झाले.
फ्रान्समधील नाइस शहरात एका माथेफिरू ट्रकचालकाने थेट गर्दीत ट्रक घुसवून अनेकांना चिरडले. या घटनेत ८४ जण ठार झाले तर शेकडो नागरिक जखमी झाले.
ब्रिटनच्या अँडी मरेने कॅनडाच्या मिलोस राओनिकचा पराभव करत विम्बल्डन ग्रँड स्लॅम अजिंक्यपदाला गवसणी घातली.
जम्मू काश्मीरमधील अनंतनाग जिल्ह्यात लष्कराच्या जवानांनी हिजबुल मुजाहिदीनचा कमांडर बु-हान वनीसह तीन अतिरेक्यांना कंठस्नान घातले.
करचुकवेगिरी प्रकरणी स्पेनच्या न्यायालयाने बार्सिलोनाचा अव्वल फुटबॉलपटू लिओनेल मेस्सी व त्याच्या वडिलांना २१ महिन्यांचा तुरुंगवास आणि ४१ लाख डॉलरचा दंड ठोठावला.
रोहित वेमुला प्रकरण तसेच शिक्षणाच्या मुद्यावरून वादग्रस्त ठरलेल्या स्मृती इराणी यांच्याकडील मनुष्यबळ विकास मंत्रीपद काढून त्यांच्याजागी कॅबिनेटपदी बढती दिलेल्या प्रकाश जावडेकरांची नियुक्ती करण्यात आली. तर इराणींकडे केंद्रीय वस्त्रोद्योग मंत्रलयाचा कारभार सोपवण्यात आला.
- जुलै महिन्याच्या पहिल्याच दिवशी बांगलादेशची राजधानी ढाका येथील परदेशी दूतावास वकिलांतीची कार्यालये असलेला सुरक्षेच्या दृष्टीने महत्वपूर्ण असलेल्या डिप्लोमॅटिक क्वार्टरच्या उपहारगृहातील दहशतवाद्यांनी ५ ते ९ दहशतवाद्यांनी हल्ला केला. त्यात २० नागरिक ठार झाले. इस्लामिक स्टेट ऑफ इराक अँड सीरियाने (इसिस) या हल्ल्याची जबाबदारी स्वीकारली.