सुरेश एस डुग्गर -
जम्मू : पहलगाम अतिरेकी हल्ल्यानंतर पाकिस्तानात पाठविण्यात आलेली ६३ वर्षीय महिला रक्षंदा राशीद हिला अतिथी व्हिसा (व्हिजिटर व्हिसा) देण्याचा निर्णय भारत सरकारने घेतला आहे. त्यामुळे ही महिला पुन्हा जम्मू-काश्मीरला आपल्या कुटुंबाकडे परतणार आहे.
भारत सरकारच्या वतीने जम्मू-काश्मीर व लदाख उच्च न्यायालयात ही माहिती देण्यात आली आहे. मूळची पाकिस्तानची असलेली ही महिला व्हिसाच्या आधारे भारतात राहत होती. तिने जम्मू-काश्मिरातील एका सरकारी अधिकाऱ्यासोबत लग्नही केलेले असून, या दाम्पत्यास मुले व नातवंडे आहेत. ती जम्मूतील तालाब खटिका भागातील रहिवासी आहे.