लाँग ड्राईव्हची आवड कुणाला नसते? पण या प्रवासात हुल्लडबाजी केली की आपलीच 'शाळा' होते अशीही प्रकरणं आपण पाहिली असतील. अशा घटनांचे हल्ली अनेक व्हिडिओ सोशल मीडियात व्हायरल होत असतात आणि या व्हिडिओंच्या माध्यमातून पोलीस कारवाई देखील करतात. विशेषत: सध्याच्या तरुणाईबद्दल बोलायचे झाले तर ते मोठ्या आवाजात गाणी वाजवत कारमधून लाँग ड्राइव्हला जायचं आणि धिंगाणा घायालचा हे अनेकदा पाहायला मिळतं. असाच एक व्हिडिओ सध्या खूप व्हायरल झाला आहे.
व्हायरल व्हिडिओमध्ये एक लाल कन्व्हर्टिबल ऑडी कारच्या पुढच्या सीटवर एक तरुणी उभी आहे आणि ती नाचत असल्याचं दिसतं. कारमध्ये मोठ्या आवाजात गाणं वाजवलं जात आहे आणि त्यावर या तरुणीचा धिंगाणा सुरू असल्याचं दिसतं. पण रस्त्यावर त्याचवेळी ट्राफिक असल्याचंही पाहायला मिळत आहे. तिथं उपस्थित असलेल्या कुणीतरी हा संपूर्ण प्रकार आपल्या कॅमेऱ्यात रेकॉर्ड केला आणि व्हिडिओ आता मोठ्या प्रमाणात व्हायरल होत आहे.
@Madan_Chikna नावाच्या अकाऊंटवरून हा व्हिडिओ ट्विटरवर शेअर करण्यात आला आहे. ज्यासोबत त्यांनी कॅप्शन लिहिले आहे की, 'हा नजारा तुम्हाला फक्त दिल्लीतच बघायला मिळू शकतो'. व्हिडिओ लाखो लोकांनी पाहिला असून प्रचंड व्हायरल झाला आहे. त्यावर वेगवेगळ्या प्रतिक्रिया देखील येत आहेत.