एका महिलेची डोळे पाणवणारी गोष्ट सध्या सोशल मीडियावर जोरदार व्हायरल होत आहे. वयाच्या 90 व्या वर्षी या महिलेवर भीक मागण्याची वेळ आली आहे. या महिलेचा नवरा बाराबंकीमध्ये प्रसिद्ध फिजीशियन होता आणि मुलगी मुंबईत हिरोईन आहे, पण आज वयाच्या या टप्प्यावर ही वृद्ध महिला पोटापाण्यासाठी पाटण्यातील गंगेच्या काठी काली घाटावर रोज भीक मागते.
बाराबंकी येथील रहिवासी असलेल्या महिलेचे पती डॉ. एचपी दिवाकर यांची 1984 मध्ये संपत्तीच्या वादातून हत्या करण्यात आली होती. पतीच्या निधनानंतर घाबरलेल्या महिलेने सासरच्या घरची आपली संपत्ती सोडून पाटण्याला गेली आणि मावशीच्या घरी राहून मुलांचा सांभाळ केला. मुलगा एकेकाळी परिसरातील प्रसिद्ध गायक होता, मात्र डिप्रेशनमुळे तो खचला आहे. तर मुलगी टीव्ही सीरियलमधली प्रसिद्ध हिरोईल असून ती आईला विसरली आहे. वयाच्या 90 व्या वर्षी असहाय व निराधार वृद्ध महिलेला भीक मागावी लागते.
नवर्याच्या मृत्यूनंतर मुलांना शिकवलं
वयाच्या 90 व्या वर्षी नदीकिनारी भीक मागणाऱ्या या वृद्ध महिलेचं नाव आहे पूर्णिमा देवी, मुलगी हिरोईन तर मुलगा एकेकाळी परिसरातील प्रसिद्ध गायक होता. पश्चिम बंगालमधील दार्जिलिंग येथील महाकाल मंदिराचे पुजारी हरिप्रसाद शर्मा यांची कन्या पूर्णिमा देवी हिने मध्यंतरी शिक्षण पूर्ण केल्यानंतर बाराबंकी येथील प्रसिद्ध वैद्य डॉ. एचपी दिवाकर यांच्याशी विवाह केला. लग्नाच्या दहा वर्षात एक मुलगा आणि एक मुलगी झाली. डॉक्टर असण्यासोबतच त्यांचे पती दिवाकर यांना गाणी लिहिण्याची आवड होती.
गाणं शिकली, रेडिओवर गायला सुरुवात केली
1984 साली मालमत्तेच्या वादातून पती डॉ. एच.पी. दिवाकर यांची काही लोकांनी गोळ्या झाडून हत्या केली. पतीच्या निधनानंतर पौर्णिमाने सासरचे घर सोडले आणि पाटण्याला जाऊन मावशीच्या घरी राहू लागली. गाणं शिकली आणि रेडिओवर गायला सुरुवात केली. यानंतर पौर्णिमाने आपल्या कमाईतून मुलांचा सांभाळ केला आणि हळूहळू पाटणा येथील एका शाळेत संगीताचे वर्ग द्यायला सुरुवात केली, तसेच अनेक स्टेज शो केले.
मुलगी टीव्ही इंडस्ट्रीत करते काम
झारखंडमधील गढवा येथून 1990 मध्ये सुरू झालेला गायनाचा प्रवास 2002 पर्यंत सुरू होता. मुलगाही ऑर्केस्ट्रामध्ये रफीची गाणी म्हणत असे, मात्र काही काळानंतर मुलगा डिप्रेशनचा बळी ठरला. पटनामध्ये शिक्षण घेतल्यानंतर मुलगी मुंबईला गेली आणि टीव्ही मालिकांमध्ये हिरोईन बनली. हिरोईन बनल्यानंतर ती कधीही आईकडे परतली नाही. तिला ओळखणारे लोक सांगतात की तिच्या मुलीने अनेक टीव्ही मालिकांमध्ये काम केलं आहे. वयाच्या 90 व्या वर्षी असहाय्य आणि निराधार असलेल्या पौर्णिमा देवींना भीक मागावी लागत आहे. एका हिंदी वेबसाईटने याबाबतचे वृत्त दिले आहे.