नवी दिल्ली : लोकसभेत काँग्रेसला विरोधी पक्षनेतेपदाचा दर्जा देण्याची मागणी लोकसभाध्यक्ष सुमित्र महाजन यांनी मंगळवारी फेटाळली. मी सभागृहाचे नियम आणि परंपरेचा अभ्यास केला आहे, असे त्या काँग्रेसची मागणी फेटाळण्याच्या निर्णयाचे समर्थन करताना म्हणाल्या.
महाजन यांनी एका पत्रद्वारे आपला निर्णय काँग्रेसला कळविला आहे. मल्लिकाजरुन खरगे हे काँग्रेसचे लोकसभेतील नेते असून, त्यांना विरोधी पक्षनेतेपदाचा दर्जा द्यावा, अशी मागणी काँग्रेसच्या अध्यक्ष सोनिया गांधी यांनी महाजन यांना पाठविलेल्या पत्रत केली होती. काँग्रेसकडे लोकसभेतील विरोधी पक्षनेतेपद मिळविण्याजोगे संख्याबळ नसल्याचे अटर्नी जनरल मुकुल रोहतगी यांनी महाजन यांनी मागितलेल्या अभिप्रायानुसार स्पष्ट केले होते. काँग्रेसकडे लोकसभेत 44 जागा असून, 282 जागा मिळविणा:या भाजपानंतर तो दुस:या क्रमांकाचा पक्ष आहे.
विरोधी पक्षनेतेपदावर दावा करण्यासाठी किमान 55 जागांची आवश्यकता असल्यामुळे मी काँग्रेसला हा दर्जा देऊ शकत नाही, असे महाजन यांनी सभागृहाच्या नियमांवर बोट ठेवत स्पष्ट केले होते.
या निर्णयानंतर काँग्रेसनेते मल्लिकाजरुन खरगे म्हणाले की, मी काँग्रेसश्रेष्ठी आणि अ.भा. काँग्रेस समितीच्या कायदा सेलशी सल्लामसलत करणार आहे. सभागृहात नेता म्हणून काम करणो आणि विरोधी पक्षनेतेपदाचा दर्जा मिळणो ही वेगवेगळी बाब आहे.
च्198क् आणि 1984 साली लोकसभा निवडणुकीत काँग्रेसला बहुमत मिळाले होते आणि कोणत्याही विरोधी पक्षाला लोकसभेत हा दर्जा दिला नव्हता, असा दाखला महाजन यांनी दिला.
च्संसदेतील दोन्ही सभागृहातील विरोधी पक्षनेत्याला कॅबिनेट मंत्र्याचा दर्जा असतो. केंद्रीय माहिती आयोगासारख्या(सीआयसी) नियुक्त्यांबाबत विरोधी पक्षनेत्याचे मत महत्त्वाचे मानले जात असल्यामुळे हा दर्जा आवश्यक मानला जातो.
च्पंतप्रधान, गृहमंत्री आणि लोकसभेतील विरोधी पक्षनेता या तिघांची समिती केंद्रीय माहिती आयुक्त किंवा केंद्रीय दक्षता आयुक्तांच्या नावांबाबत शिफारस करतात, त्यानंतर राष्ट्रपती या पदावर नियुक्ती करतात.
तिकीट वाटपाची बैठक रद्द
राष्ट्रवादीचे नेते शरद पवार दिल्लीबाहेर असल्याने त्यांच्या निवासस्थानी मंगळवारी होणारी काँग्रेस-राष्ट्रवादीची बैठक रद्द करण्यात आली. विधानसभेच्या जागा वाटपासंदर्भातील ही बैठक बुधवारी होण्याची शक्यता आहे.