नवी दिल्ली - मुंबईच्या किनाऱ्यापासून सुमारे १०० सागरी मैल अंतरावर समुद्रात केलेल्या कारवाईत तीन जहाजे जप्त करून आंतरराष्ट्रीय तेल तस्करीचे रॅकेट उद्ध्वस्त केल्याची माहिती भारतीय तटरक्षक दलाने (कोस्टगार्ड) शनिवारी दिली. या तीनही जहाजांवर तटरक्षक दलाने पाळत ठेवली होती. ५ फेब्रुवारी रोजी मुंबईच्या पश्चिमेला १०० सागरी मैल अंतरावर तटरक्षकाने तीन जहाजांना अडविले. या जहाजांच्या कागदपत्रांची तपासणी आणि कर्मचाऱ्यांची चौकशी केल्यानंतर तेलतस्करीचा हा मामला उघडकीस आला. या जहाजांचे मालक अन्य देशांत स्थायिक आहेत.
नफा कमवण्याचा उद्देश
तटरक्षक दलाने डिजिटल तंत्रज्ञानाच्या मदतीने पाळत ठेवली असता भारतीय विशेष आर्थिक क्षेत्रात संशयास्पद हालचाली करणारे एक जहाज आढळल्याने त्याचा माग काढण्यात आला. त्या जहाजानजिक आणखी दोन जहाजे आल्याचे आढळून आले. ही जहाजे समुद्रात तेल व तेलजन्य अन्य उत्पादनांचे दुसऱ्या जहाजात बेकायदा पद्धतीने हस्तांतरण करत होती. कर बुडविण्याचा या तस्करांचा डाव होता. ही तीन जहाजे मुंबई बंदरात आणली जाणार असून तपास सुरू आहे.
Web Summary : The Indian Coast Guard dismantled an international oil smuggling operation 100 nautical miles from Mumbai, seizing three ships. The ships were transferring oil illegally to evade taxes. Investigations are ongoing after the ships were brought to Mumbai port.
Web Summary : भारतीय तटरक्षक बल ने मुंबई से 100 समुद्री मील दूर एक अंतरराष्ट्रीय तेल तस्करी अभियान को ध्वस्त कर दिया, तीन जहाजों को जब्त किया। जहाज करों से बचने के लिए अवैध रूप से तेल का हस्तांतरण कर रहे थे। जहाजों को मुंबई बंदरगाह पर लाए जाने के बाद जांच जारी है।