नवी दिल्ली-
सरकारने एक कोटीहून अधिक केंद्रीय कर्मचारी आणि पेन्शनधारकांना मोठी भेट दिली आहे. सरकारने महागाई भत्ता (DA) आणि महागाई सवलतीत ४ टक्क्यांनी वाढ केली आहे. आता दोन्ही ३८ टक्क्यांवरून ४२ टक्क्यांपर्यंत वाढले आहेत. सध्याची वाढ १ जानेवारी २०२३ पासून लागू होईल. यामुळे सरकारवर दरवर्षी १२,८१५ कोटी रुपयांचा आर्थिक बोजा वाढणार आहे. दुसरीकडे, सरकारने उज्ज्वला सिलिंडरवरील अनुदान आणखी एक वर्षासाठी वाढवलं आहे. देशातील ९.६० कोटी लाभार्थ्यांना एका वर्षासाठी २०० रुपये प्रति सिलिंडरचा लाभ मिळणार आहे.
केंद्र सरकारी कर्मचारी आणि पेन्शनधारकांच्या डीए आणि डीआरमध्ये वर्षातून दोनदा जानेवारी आणि जुलैमध्ये सुधारणा केली जाते. सरकारी कर्मचार्‍यांना महागाई भत्ता दिला जातो, तर निवृत्ती वेतनधारकांना महागाई भत्ता दिला जातो. सध्याची वाढ १ जानेवारी २०२३ पासून लागू होईल. यापूर्वी एक कोटीहून अधिक केंद्र सरकारचे कर्मचारी आणि पेन्शनधारकांना ३८ टक्के महागाई भत्ता मिळत होता. जो वाढून ४२ टक्के इतका झाला आहे. सरकारने जुलै २०२१ मध्ये पुन्हा डीए वाढवण्याची घोषणा केली होती.
डीएची थकबाकी मिळेल का?केंद्राने १८ महिन्यांच्या डीए थकबाकीवर स्पष्टीकरण जारी केलं होतं. कर्मचार्‍यांची १८ महिन्यांची महागाई भत्ता (DA) थकबाकी दिली जाणार नाही असं सांगण्यात आलं होतं. कोविड महामारीच्या काळात ते थांबवण्यात आले होते. कोविड महामारीच्या पार्श्वभूमीवर केंद्राने २०२० मध्ये महागाई भत्ता (DA) आणि महागाई मदत (DR) चे तीन हप्ते थांबवले होते. या वेळेपासून केंद्र सरकारचे कर्मचारी आणि पेन्शनधारक प्रलंबित थकबाकीबाबत अपडेटची प्रतीक्षा करत आहेत. या निर्बंधामुळे केंद्रीय कर्मचाऱ्यांचे ३४ हजार कोटी रुपये वाचले होते.
पगारात किती वाढ होणारजास्तीत जास्त पगाराबाबत मोजायचं झालं तर ५६,९०० रुपयांच्या मूळ पगारावर (बेसिक) एकूण वार्षिक DA २,८६,७७६ रुपये होईल. या वेतनश्रेणीत येणाऱ्यांना सध्याच्या दराने म्हणजेच ३८ टक्के डीए म्हणून २,२७६ रुपये अधिक मिळतील. या डीए वाढीच्या घोषणेसह, त्याची मासिक डीए रक्कम २३,८९८ रुपये होईल.