अब्जाधीश गौतम अदानींनी जिंकले मन!

Gautam Adani: हृदयात छिद्र असलेल्या मनुश्री या ४ वर्षांच्या मुलीच्या उपचारासाठी उद्योगपती गौतम अदानी यांनी पुढाकार घेतलाय. ‘मृत्यूशी झुंज देणाऱ्या मनुश्रीला मदत करा, असे ट्विट एका युजरने केले होते.

हृदयात छिद्र असलेल्या मनुश्री या ४ वर्षांच्या मुलीच्या उपचारासाठी उद्योगपती गौतम अदानी यांनी पुढाकार घेतलाय. ‘मृत्यूशी झुंज देणाऱ्या मनुश्रीला मदत करा, असे ट्विट एका युजरने केले होते. ४ वर्षीय मनुश्रीच्या उपचारासाठी १ लाख २५ हजार खर्च होईल असे डॉक्टरांनी सांगितले आहे. उत्पन्न कमी असल्याने ते ऑपरेशनचा खर्च करू शकत नाही. इच्छा असल्यास शक्य तशी मदत करा,’ असे आवाहन करण्यात आले होते. या ट्विटने नेटकऱ्यांचे लक्ष वेधले. सोमवारी गौतम अदानी यांनी स्वतः त्या ट्विटवर रिप्लाय दिला. ‘मनुश्री लवकरच बरी होईल. ती लवकरच तिच्या शाळेत परतेल आणि पुन्हा तिच्या मैत्रिणींसोबत खेळू शकेल. मी अदानी फाउंडेशनला तिच्या कुटुंबाशी संपर्क साधण्याचे आणि शक्य ती सर्व मदत करण्यास सांगितले आहे,’ असे अदानींनी म्हटले. मुलीच्या मदतीसाठी पुढाकार घेणाऱ्या अदानींच्या या प्रयत्नांचे नेटिझन्स तोंडभरून कौतुक करत आहेत. ‘कौतुकास्पद... एक महान व्यक्तिमत्त्व... तुमचा दयाळूपणा आणि चांगले काम अनेकांना प्रेरणा देईल... असेच कार्य करणार असाल तर तुम्ही जगातील सर्वात श्रीमंत व्यक्ती व्हावे अशी देवाकडे प्रार्थना,’ अशा प्रतिक्रिया नेटकरी देत आहेत.