अरोरा यांनी मुख्य निवडणूक आयुक्तपदाची सूत्रे स्वीकारली

देशाचे नवे मुख्य निवडणूक आयुक्त म्हणून सुनील अरोरा यांनी या पदाची सूत्रे रविवारी स्वीकारली.

नवी दिल्ली : देशाचे नवे मुख्य निवडणूक आयुक्त म्हणून सुनील अरोरा यांनी या पदाची सूत्रे रविवारी स्वीकारली. निवडणुका निर्भय, निष्पक्ष, शांततामय वातावरणात व सारी मूल्ये पाळून व्हाव्यात यासाठी सर्व राजकीय पक्ष, प्रसारमाध्यमे, विविध संस्था, यंत्रणा व जनतेने सहकार्य करावे, असे आवाहन त्यांनी केले आहे.२०१९ मधील लोकसभा निवडणुका आता नव्या मुख्य निवडणूक आयुक्तांच्या देखरेखीखाली होतील. पुढील वर्षी महाराष्ट्र, जम्मू-काश्मीर, ओडिशा, हरियाणा, आंध्र प्रदेश, आदी राज्यांत विधानसभा निवडणुका होणार आहेत.