ऑनलाइन लोकमत
नवी दिल्ली, दि. 22 - दिल्लीतील संगम विहार परिसरात एका व्यक्तीने आपल्या 20 वर्षीय मैत्रिणीच्या अंगावर अॅसिड फेकल्याची घटना घडली.
मिळालेल्या माहितीनुसार, रवि कुमार असे या आरोपीचे नाव आहे. सकाळी साडे दहाच्या सुमारास दिल्लीतील संगम विहार परिसरात त्याची मैत्रीण एका मुलांसोबत बोलत होती. त्यावेळी रवि कुमारने टॉयलेट साफ करण्यासाठी वापरण्यात येणारे अॅसिड तिच्या अंगावर फेकले. या घटनेनंतर त्याने पोलीस स्टेशन गाठले आणि झालेला प्रकार पोलिसांना सांगितला.
दरम्यान, पोलिसांनी रवि कुमारला ताब्यात घेतले असून या प्रकरणाचा तपास सुरु आहे. तर, पिडीत मैत्रिणीवर एम्स रुग्णालयात उपचार सुरु आहेत.
Delhi: At 10.25 am today a PCR call received regarding a man who has thrown diluted acid on a girl in Sangam Vihar; Girl admitted to AIIMS— ANI (@ANI_news) March 22, 2017