जि.प.त ९२ कर्मचार्‍यांच्या बदल्या

जळगाव : जिल्हा परिषदेमध्ये गुरुवारी ग्रा.पं, पशुसंवर्धन आणि सामान्य प्रशासन विभागात मिळून ९२ कर्मचार्‍यांच्या बदल्या करण्यात आल्या. त्याबाबत छत्रपती शाहू महाराज सभागृहात कार्यवाही झाली. संबंधित विभागांचे प्रमुख व वरिष्ठ अधिकारी उपस्थित होते. बदल्यांची माहिती : सामान्य प्रशासन विभाग - वरिष्ठ सहायक १, कनिष्ठ सहायक ११ (प्रशासकीय), वरिष्ठ सहायक ५, कनिष्ठ सहायक २१ (विनंती). पशुसंवर्धन विभाग- पशुधन पर्यवेक्षतक ६ (विनंती). ग्रा.पं. विभाग- ग्रामसेवक ४, विस्तार अधिकारी २ (प्रशासकीय), ग्रामसेवक ३१, विस्तार अधिकारी २, ग्रामविकास अधिकारी ८. ग्रामसेवक ८, विस्तार अधिकारी १, ग्रामविकास अधिकारी २ (आपसी).
आज शिक्षकांच्या बदल्या
१३ रोजी छत्रपती शाहू महाराज सभागृहात शिक्षकांच्या बदल्या होतील. सर्व प्रथम पेसा अंतर्गत कार्यरत शिक्षकांच्या बिगर आदिवासी भागात नियुक्त्या केल्या जातील. सकाळी ११ वाजेपासून ही कार्यवाही सुरू होईल.