२२... सारांश ... जोड

डास प्रतिबंधक औषधाची फवारणी करा
मेंढला : गावात डासांची पैदास वाढत असल्याने हिवतापासह विषाणूजन्य तापाची लागण होत आहे. ग्रामपंचायत प्रशासनाने गावात साफसफाई केली. मात्र, डासांचा नायनाट झाला नसल्याने गावात डास प्रतिबंधक औधषांची फवारणी करण्याची मागणी नागरिकांनी केली आहे.
***
भारनियमनामुळे पाणीपुरवठा प्रभावित
नरखेड : ग्रामीण भागात मोठ्या प्रमाणात भारनियमन केले जात असल्याने पाण्याची टाकी पुरेशी भरली जात नाही. त्यामुळे ग्रामस्थांना कृत्रिम पाणीटंचाईला तोंड द्यावे लागत आहे. यावर उपाय म्हणून भारनियमन कमी करण्याची मागणी सरपंच संघटनेने केली आहे.
***
गतिरोधक तयार करण्याची मागणी
कोंढाळी : परिसरातील काटोल व वर्धा तसेच अमरावती मार्गावर वाहनांची सतत वर्दळ असते. अनियंत्रित वाहनांमुळे अपघातांचे प्रमाण वाढत आहे. अपघातांचे प्रमाण कमी करण्यासाठी तसेच अनियंत्रित वाहनांना नियंत्रित करण्यासाठी या मार्गावर गतिरोधक तयार करण्याची मागणी नागरिकांनी केली आहे.
***
विजेच्या तारा सरळ करा
कळमेश्वर : ग्रामीण भागात काही ठिकाणी विजेच्या तारा सैल झाल्याने झुकलेल्या आहेत. हवेमुळे दोन तारांचा स्पर्श होतो आणि वीजपुरवठा खंडित होतो. त्यामुळे या झुकलेल्या तारा सरळ करण्याची मागणी नागरिकांनी केली आहे.
***